鳥居居酒屋

Open Now

Now Closed

過左個長假期, 見個個都出街食飯, 成個市道暢旺返, 個心都好想出街食好野, 延續個Holiday Mood, 選了銅鑼灣地段「鳥居居酒屋」,食下串燒，先來個鮮菜沙律$36, 有新鮮蔬菜, 包括西芹, 椰菜, 青瓜, 甘荀, 沾上甜甜海鮮醬食。再來一客冷盤, 蟹柳芝麻凍菠菜$48, 菠菜夠嫩,好清甜, 明太子玉子$108, 玉子燒包住鹹香的明太子, 更帶出玉子的甜味。秋葵牛肉卷$32/串, 灑上粗粒鹽巴,帶出牛肉香味, 薄牛肉包住秋葵, 食落冇左種潺潺的口感, 好夾。雞皮辣肉腸$38/串, 重口味的辣肉腸連雞皮食，外脆內軟，口感好豐富，雞頸肉$34/串, 出面少有啲,估唔到都有咁大塊肉, 雞頸肉出名肉質夠滑, 唔會有柴口感,   三文魚茶漬飯$58, 熱辣辣既茶漬湯, 有三文魚肉碎, 令湯味更香魚鮮味, 也夠清甜，最後食埋個甜品, 叫了件芝士蛋糕$68, 係New York cheese cake, 較實淨口感, 芝士忌廉味又香又甜。