LA FAMILLE

Open Now

Now Closed

最近屋企人生日，揀左呢間餅店做生日蛋糕，以往都未食過呢間，今次一次過試下唔同嘅細戚風！店舖每日都會有唔同款式，如果要買現成嘅就要先預訂。今日都供應咗六至七款。干邑堅果朱古力 70% choclate，朱古力戚風蛋糕外表再加上一層脆皮榛子朱古力，入面就有應該係熱情果或者檸檬嘅餡料，出面甜入面帶酸，味道中和返冇咁膩！皇牌士多啤梨，作為店舖皇牌，點可以唔試！最怕食到啲士多啤梨係酸，但係呢度係甜嘅，而且士多啤梨味好香好重。香濃開心果，開心果脆皮包住戚風蛋糕，開心果味好濃，出面好少食到呢款蛋糕，呢度都做得好出色！下次想再食開心果蛋糕都可以encore！