黑木 (Closed)

平時喜歡搜羅下新餐廳, 覺得佢地相對有passion同注重食客意見, 在香港租金太高, 經營餐廳係一件好不容易既事。 係尖沙咀有間新開既串燒店, 由The One 向紅磡行數分鐘, 門口簡潔, 一盞白底黑字寫上”黑木”既燈襯上木盪門, 好有日系感覺。 串燒有好多種類: 雞肉、黑豚肉、雞頸肉、安格斯牛排，牛肉燒到啱啱好, 牛味好重, 肉質鮮嫩 juicy, 最喜愛燒白鱔, 皮脆肉滑。蔬菜類串燒有青椒仔、白蔥、白菌、冬菇等。每串串燒上枱都係熱辣辣。 無花果醬燒豚肉幾特別, 無花果醬帶少少甜，豚肉入口溶化。燒秋刀魚好香口, 魚皮有焦香味。