古今二 (荃新天地)

Open Now

Now Closed

返工前約咗朋友食飯，行過見到呢間有窗邊位，之前有食過其他分店覺得幾唔錯，所以同朋友坐低食呢間。叫咗個清酒煮蜆，個味道都幾唔錯，不過湯隻鹹咗少少。份量就唔係太多，因為其中有兩隻都唔開。但係開左食的嗰啲就好乾淨，冇砂，味道都算鮮甜。然後叫咗個龍捲風沙律，佢除咗有正常嘅沙律菜之外，仲加咗中華沙律，蟹柳，同蟹籽，再加埋佢嘅辣辣地嘅千島醬，成件事Fresh得來又惹味。之後叫咗個金龍卷，佢中間係炸海老加芝士，原本唔係太食芝士嘅我，對於佢呢一款卷物，我都覺得味道好唔錯。最後仲有叫咗六件嘅煙花，佢嘅煙花其實係吞拿魚蓉，不過我自己覺得佢呢一款就有少少腥，都係金龍卷好食啲。兩個人當午餐咁食，其實都夠飽，呢個價錢還可以。