龍城冰室

Open Now

Now Closed

今日黎左新之城轉角位呢間冰室食野，主要想食佢個招牌菠蘿油，黎到已經見到出而大排長龍買佢地既新鮮出爐麵包，所以我就入左入坐低食，呢度地方超大，坐位又夠闊，選擇又多，有鐵板餐，燒味，小菜，湯飯，常餐，全部都係港式，仲有勁多人買既港式麵包。我地叫左個招牌海鮮湯龍躉泡飯，冰火菠蘿油，同兩個酥皮蛋撻。招牌海鮮湯龍躉泡飯-好足料，有勝瓜，菇，雲耳，當然唔少得龍躉，一碗齊晒湯菜肉主食，方便又好味，湯底好似龍蝦湯咁，幾鮮味，魚肉爽口彈牙，個湯我地都幾乎飲晒。招牌冰火菠蘿油-超巨型菠蘿包夾住塊靚牛油，菠蘿皮脆得黎咬落唔會散晒，好味又夠晒邪惡。啲人排晒隊買包真係有原因。招牌酥皮蛋撻-個蛋撻仲熱熱地，有蛋香，唔會好甜，酥皮夠鬆化。