中華小館

Open Now

Now Closed

外國同事第一次食粵港菜，因為之前食過覺得CP值高又易搵，特別帶佢黎送個美好回憶俾佢。 一去到餐廳， 同事已經大讚好有中華特色，木係裝修非常高雅🪵。極力推薦蜜汁叉燒皇，同事食到停唔到口，大讚肉汁豐富，超級好味。叉燒被甜甜既蜜汁帶出肉質既鮮味🥩，自己都停唔到口。傳統古法柚皮，上次食過，今次要encore！ 入口融化，酸甜開胃，同事清哂成牒🤣。非常欣賞蟹肉粟米羹🦀，蟹肉每條都好分明，非常新鮮。粟米羹口感嫩滑🌽，配上甜甜飽滿既粟米，每一啖都充滿住嫩滑同爽口既感覺😋！同事好開心覺得無介紹錯，佢話今晚帶埋老公黎食多次😆。