餐廳個氣氛非常之熱鬧，柔和嘅燈光再配合輕快嘅音樂。感覺有少少似渡假feel!
今晚實在太肚餓所以我哋整咗兩個都係肉類同一份沙律。
香草牛油珍寶大蝦蘋果沙律🥗
有四隻bbq燒大蝦，好香燒烤味，有蝦味，雖然食唔到青蘋果，但係沙律菜新鮮配上酸味嘅沙律汁，清新開胃！
葡式香辣燒雞，呢一碟真係啱晒我做完運動要吸收大量蛋白質😂。賣相都幾吸引，有一隻雞切開四件，加一杯薯條同一份細沙律。雞肉咬落去都幾鮮嫩多汁，初時仲擔心好乾，個面有少少微辣，好惹味！
紅酒燴羊膝自家製燒烤汁，賣相相當吸引，有大約一個拳頭咁大，用把餐刀輕輕力就能夠將肉切出來，肉質非常鮮嫩，完全冇羊嘅味，個薯蓉再配埋BB蘆筍，最正係完整蒜頭🧄，焗得好好味！
整體來講，服務價錢氣氛都算係唔錯！一定會再嚟！
