Video
Read full review
2019-04-29
8488 views
男朋友知我鐘意食綠茶野，而佢自己本身好鐘意食芒果，男朋友係Accor Plus會員，平時就有留意開入面D餐廳優惠同介紹，見到Novotel嘅Essence有個芒果同綠茶的Cross over，男朋友就決定俾個驚喜我，就放假帶左我去食個靚靚下午茶自助餐。我地星期六去，每人都係$158，再加一，以五星級酒店黎講真係抵到爛，XD再加埋我地係Accor Plus會員，其實差不多等同免加一咁濟。五星級酒店嘅環境，俾人一種氣派高檔嘅感覺，樓底高、餐桌同餐桌之間嘅界格適中，唔會隔離檯大聲傾計講笑時聽到覺得滋擾，開放式嘅廚房，可以睇住廚司整野食，除左有視覺享受外，亦係酒店同餐廳對自己嘅品質同質素有一定信心先會夠膽俾客設計。自助餐嘅食物整整齊齊咁放係眼前，我諗全場應該有4-50款野食供應緊，但我地主打都係食佢地D主打野多~~綠茶刁草芥末三文魚，食到有少少白酒同同黑椒嘅味，相信三文魚應該有醃過，而綠茶同刁草鋪係三文魚上面，食起黎有少少草粒，口感特別有趣，上面另外仲有淋左D芥末醬，個芥末醬同出面街有D唔同，味道無咁攻鼻，味道應該係有調淡左少少黎配合返三文魚塊。雞粒芒果莎莎醬配墨西哥脆餅，個賣相非常吸睛，脆卜
我地星期六去，每人都係$158，再加一，以五星級酒店黎講真係抵到爛，XD再加埋我地係Accor Plus會員，其實差不多等同免加一咁濟。
五星級酒店嘅環境，俾人一種氣派高檔嘅感覺，樓底高、餐桌同餐桌之間嘅界格適中，唔會隔離檯大聲傾計講笑時聽到覺得滋擾，開放式嘅廚房，可以睇住廚司整野食，除左有視覺享受外，亦係酒店同餐廳對自己嘅品質同質素有一定信心先會夠膽俾客設計。
自助餐嘅食物整整齊齊咁放係眼前，我諗全場應該有4-50款野食供應緊，但我地主打都係食佢地D主打野多~~
綠茶刁草芥末三文魚，食到有少少白酒同同黑椒嘅味，相信三文魚應該有醃過，而綠茶同刁草鋪係三文魚上面，食起黎有少少草粒，口感特別有趣，上面另外仲有淋左D芥末醬，個芥末醬同出面街有D唔同，味道無咁攻鼻，味道應該係有調淡左少少黎配合返三文魚塊。
雞粒芒果莎莎醬配墨西哥脆餅，個賣相非常吸睛，脆卜卜微溫嘅墨西哥脆餅入面夾左唔少嘅配料，有芒果、洋蔥、雞粒、好似仲有少少芒果嘅粒粒等，D配料用左莎莎醬Mix埋，所以有陣酸酸甜甜嘅味，口感好豐富，都幾醒胃好味。
綠茶煙燻鴨胸，我好鐘意食呢個！除左因為佢搵個杯黎吸住件肉外XD，舊鴨胸都幾好食，鴨胸用左綠茶葉黎燻到入味，鴨胸肉好滑嫩，但非常有口感，係爽口彈牙嘅，亦都好香油脂味，鴨胸調味剛剛好，食完一塊之後，我再添左幾件。
綠茶木魚湯煮蜆，佢個湯或有少少似茶漬飯嘅味，但就俾普通茶漬飯再多左陣綠茶香，入口幾清，而蜆粒粒都有肉，唔會甩哂淨係俾殼你XD，蜆肉入味，但唔會鞋口Wor，神奇！
我同男朋友拎哂所有主題甜品黎食咁濟，哈哈！試暈哂我地最鐘意有3款甜品，分別係 芒果綠茶奇亞籽、熱情果芒果綠茶布甸 同 芒果荔枝慕斯。
芒果綠茶奇亞籽，基本上男朋友見到個牌仔寫住奇亞籽就即刻心心眼，事關好有益、拎黎減肥同埋可以去便便暢快D，所以男朋友二話不說咁拎左黎食，呢個甜品食起黎有D似椰汁西米露，因為佢真係有椰漿、牛奶，再加埋芒果，唔似至奇，味道唔算太甜，對我地黎講唔太膩。
熱情果芒果綠茶布甸，個布甸超超超滑，放入口，就會自自然然滑左落喉嚨度咁，而且好香綠茶味。綠茶本身味道比較清淡D，所以配返起熱情果醬汁同芒果粒嘅甜就變得剛剛好，仲有少少熱情果果籽咬下，口感滑得黎又有咬口，男朋友食左2個，可想而知，真係岩佢口味，哈哈！
芒果荔枝金慕斯，上面有大大粒嘅荔枝，荔枝中間挑空左嘅位仲放左D慕斯係入面，食落口感好得意！上面再有片芒果、然後就到慕斯、再到餅底，入口好香香奶油味，而且涼浸浸，係時候要迎接夏天嘅到黎啦！
Post
