老鍋台式火鍋 (京都廣場) (Closed)

夏天就快到喇，但係呢幾日又變凍返，所以決定趕住尾聲去打多次邊爐！！食台式邊爐就梗係要個麻辣鍋， 湯底同之前食嘅時候一樣係有好多料嘅，有鴨血同埋豆腐，同麻辣鍋非常夾。今次我哋叫咗梅花豬肉、 魚腐、蛋餃同埋寬粉。寬粉並唔係每一間打邊爐店都有得賣，我覺得佢同麻辣湯非常之match!! 今次仲試咗樣新嘅嘢叫做福州丸湯包， 即係一啲白魚蛋包住啲肉，應該係豬肉嚟嘅。都幾好食，同埋最好就係丸係可以揀半份或份，對我呢啲兩個人嚟打邊爐嘅人嚟講，就非常方便，可以試到多啲嘢食！