Video
Read full review
2019-01-14
54 views
朋友生日當然要搵啲睇得下嘅餐廳慶祝生日，知道銅鑼灣嘅Cubus大廈上面開咗一間高級廣東菜式+酒吧，預先訂咗四人枱共進晚餐。電梯大堂裝修華麗有氣派，估唔到電梯一開餐廳嘅香氣四溢，頓時感覺好舒暢，而且大大個餐廳招牌就在我眼前。店員服務周到，隨即俾咗幾杯水我哋。餐牌上嘅晚市套餐每位都只係$480另加一服務費，當中包括頭盤、湯羹、主菜同埋點心，相當豐富。先來前菜-櫻花蝦避風塘茄子🍆，茄子外皮香脆可口，食落去質感軟綿綿，仲有少少辣嘅味道，好滋味。金箔阿拉斯加蟹肉南瓜羹呈現鮮橙色，中間裝滿蟹肉，還有金箔喺上面，非常珍貴，真係唔捨得飲落肚。飲落去啖啖都係蟹肉，而且味道鮮甜。由於我哋四個人，所以主菜四款可以試勻晒，當中嘅西班牙油香臘味炒飯好大碟，就連盛裝炒飯嘅碟都好有中國特色。食落去飯乾身，而且好入味，配料都好充足，每一啖都食到臘肉。竹炭金箔蝦餃這蝦餃真的非常值得一讚，不但金箔外表精美，還很有內涵，大大隻鮮蝦被薄薄的餃皮包裹著，配上鮮味可口的餡料，令人欲罷不能。最後還有為壽星仔點選火焰橙酒法式焦糖燉蛋為生日甜品🍮，經火焰燒後焦糖燉蛋外皮脆卜卜，配以餐廳特設嘅室內煙花點綴，真是嘆為觀止，壽星仔也大讚非常
朋友生日當然要搵啲睇得下嘅餐廳慶祝生日，知道銅鑼灣嘅Cubus大廈上面開咗一間高級廣東菜式+酒吧，預先訂咗四人枱共進晚餐。
電梯大堂裝修華麗有氣派，估唔到電梯一開餐廳嘅香氣四溢，頓時感覺好舒暢，而且大大個餐廳招牌就在我眼前。
店員服務周到，隨即俾咗幾杯水我哋。
餐牌上嘅晚市套餐每位都只係$480另加一服務費，當中包括頭盤、湯羹、主菜同埋點心，相當豐富。
先來前菜-櫻花蝦避風塘茄子🍆，茄子外皮香脆可口，食落去質感軟綿綿，仲有少少辣嘅味道，好滋味。
金箔阿拉斯加蟹肉南瓜羹呈現鮮橙色，中間裝滿蟹肉，還有金箔喺上面，非常珍貴，真係唔捨得飲落肚。飲落去啖啖都係蟹肉，而且味道鮮甜。
由於我哋四個人，所以主菜四款可以試勻晒，當中嘅西班牙油香臘味炒飯好大碟，就連盛裝炒飯嘅碟都好有中國特色。食落去飯乾身，而且好入味，配料都好充足，每一啖都食到臘肉。
竹炭金箔蝦餃這蝦餃真的非常值得一讚，不但金箔外表精美，還很有內涵，大大隻鮮蝦被薄薄的餃皮包裹著，配上鮮味可口的餡料，令人欲罷不能。
最後還有為壽星仔點選火焰橙酒法式焦糖燉蛋為生日甜品🍮，經火焰燒後焦糖燉蛋外皮脆卜卜，配以餐廳特設嘅室內煙花點綴，真是嘆為觀止，壽星仔也大讚非常滿足！
Post
