滿屋日本料理 (大鴻輝(荃灣)中心) (Closed)

話說老細請食welcome lunch就係網上外賣平台叫咗幾盤滿屋嘅壽司➕剌身🍣～聽同事講呢間餐廳係做日式放題，質素都幾高，令我都幾期待😚外賣既一大缺點就係D食物會比嗰外賣員整到瀉曬😤…… 所以有D壽司嚟到已經散咗LOL壽司方面，我幾鐘意黑松露吞拿魚、黑松露帶子、火炙芝士熟蝦🥰。黑松露唔會搶走咗原本魚嘅鮮味，反而味蕾上更顯得更有層次感！作為芝士控嘅我，芝士入口即融，好creamy🤩至於魚生刺身方面，鮮味真係好突岀👍🏻。帶子非常厚實，吞拿魚油脂分布好平均。不過，當日油甘魚嘅質素差咗少少，腥味有D重😅。整體而言，我已經好滿意又滿足😌