古今

Open Now

Now Closed

今日放工同同事喺SOGO隔離嘅澳門逸園中心，食日本料理。食飯時間餐廳都幾full，餐廳環境雅致舒適，主打特色卷物，有多達41款任你選擇。我哋叫咗個金龍卷 （$103），上層有三文魚刺身飯卷中包住炸得香脆嘅炸蝦同埋忌廉芝士，口感豐富又新鮮。加上炸蝦依然溫熱，份外美味。另外仲叫咗個熱辣辣嘅鍋物，安格斯牛肉壽喜燒（$240），呢個鍋份量好足，豆腐、冬菇、金菇、洋蔥、娃娃菜仲有多片安格斯牛肉，底層仲有粉絲，食落都幾飽肚，安格斯牛肉油脂分布平均色澤又靚，薄薄一片牛肉味道香濃，湯底清甜。最後仲叫咗個小食，日式炸雞（$51），金黃色嘅炸雞真係好吸引，外層香脆而雞肉依然嫩滑。