大喜屋 (Closed)

可能會比人笑我蠢, 去放題其實我好鍾意叫壽司食, 貪佢細細粒, 而且好多特別款, 岩哂我~ 今次都唔例外, 我又叫左一大埋壽司, 分別有蟹油蒜香帆立貝, 京蔥汁燒三文魚腩, 醬皇帝皇蟹棒, 鵝肝伴帶子, 京都蔥玉子壽司~其實仲有其他, 不過呢D係我推介既~其中最最最鍾意既係醬皇帝皇蟹棒, 貪佢啖啖肉, 而且配埋上面d醬好yummy呀~鵝肝伴帶子亦都係必食推介, 估唔到呢兩樣食物都幾match wor!天婦羅岩岩炸起, 最鍾意既當然係蝦天婦羅啦~炸粉唔算厚, 而且唔會食到成口油, 唔錯~ 另外南瓜都唔錯, 薄薄一片, 同埋夠甜~呢排有D凍就叫左兜鮮蟹粥, 個粥煮得都幾綿, 而且真係有蟹wor, 仲幾多肉tim ar! 絕對值得叫黎食下, 不過兩個人食呢一大鍋有d太多, 如果份量可以小d就好啦~最後梗係要食返杯雪糕啦~叫左個紫蕃薯雪糕~見係街買都好似要十幾二十蚊杯架~紫蕃薯味都幾香幾濃, 唔錯~而且食食下仲食到有蕃薯粒tim~