婆婆珈琲屋

Open Now

Now Closed

其實本身係想食樓下嘅雪糕，點知冇開門，所以就上咗嚟樓上嘅婆婆珈琲屋😏一出電梯，門面已經好靚，咖啡屋門口比日式🎑文藝風嘅小物包圍住，食完拎住張單幫襯買小物都有9折。因為我同朋友已經食咗晏，所已只係叫咗一個主食拼盤share食～$108 四品料理（2冷2熱）都幾多選擇，我哋要咗～醬油五目，有枝豆、紅蘿蔔🥕、壓縮豆腐、冬菇、黑芝麻，少少甜，幾清新～蘋果馬鈴薯沙律🍎🥔🥗都整得幾蓉，蘋果竟然係用小切片～沖繩烤蕃薯條🍠🍟表皮好脆，粗切，甜甜哋～黑松露野菜鮮蝦包🦐好似個用腐皮包住嘅年糕袋咁，甜甜哋，清淡嘅，包入面有除咗蝦，有啲其他蔬菜料～另外包埋前菜、富士山三文魚飯團🐟🍙應該係用碟豆花染色+$26（跟餐半價）凍百利甜酒鮮奶咖啡🍫🥃入口幾smooth，都幾濃bailey味$28 Kimono熱茶🍵微微甘香嘅日本傳統茶周圍環境同器皿都幾靚，清水一邊係用碟豆花，呈結晶藍色，另一邊係放咗青瓜片，會清新啲。