Vici Stage (Closed)

係openrice見到訂座有8折，即係免咗加一仲可以平少少，幾吸引所以去試下。我哋係以食晚飯為主，所以好早6點半就入咗去，入到去先知原來係一間酒吧，所以太早未有食客。我哋叫咗一份香煎法國有機豬鞍 ($198)，塊豬鞍扒幾大塊，大過手掌，又厚肉，煎得都幾好。底下有啲炒雜菜，幾好食。塊豬鞍扒可以點泰式酸辣醬或者芥末醬食。另外叫咗一份橄欖辣肉腸pizza ($128)，pizza個樣就麻麻，可能餐廳好黑，望到pizza啲邊位黑黑地，似係焗燶左…味道一般般啦…呢杯唔記得叫咩名，但酸酸地幾好飲。