Video
Read full review
2019-06-13
936 views
家陣通街都係「冰室」，但其實個裝修就扮懷舊，餐單就抄「澳牛」，食嚟食去都係「常餐」－－炒蛋多士熱奶茶，驚喜零蛋，味道不分高下，最多係隻蛋有無滑啲咁話。近日有澳門朋友到訪，一落船就問上環有無懷舊冰室想試下，仲講明唔要扮嗰隻，要係「堅冰室」，有啲考起，印象中「海安」最近碼頭，但行過見人山人海，好驚，唯有即刻轉場！四圍逛下，估唔到另有發現：喺東街轉過彎，落樓梯去地鐵站時，發現咗「華樂」！真係行快兩步，都可能會錯過！老老實實，「華樂」個樣一定係舊嗰隻，茶餐廳就堅係；算唔算堅冰室，就要試過至知。見唔算太多人，價錢亦合理，就姑且入去試下啦！坐低四圍望，果然如樓上食評師兄所講，確係好有特色下；但環境唔係我杯茶，食物好味至係重點！而「華樂」，果然畀到驚喜我！正值午飯時段，我叫咗個午餐($46)，當中詳列如下：黑椒豬扒意－－豬扒同意粉分開上，豬扒大大塊，炸得香噴噴；意粉份量好夠，配上黑椒汁，十分惹味！煎蛋牛油方包－－恕我孤陋寡聞，咁大個人，都唔知道茶記有呢款食物供應：一隻荷包蛋，放上搽滿牛油的方包上，十分邪惡，但味道出奇咁夾！一啖咬落去，蛋汁流出、鮮味湧現，配合埋牛油香滑，整體就是完美結合！天呀，這正正
近日有澳門朋友到訪，一落船就問上環有無懷舊冰室想試下，仲講明唔要扮嗰隻，要係「堅冰室」，有啲考起，印象中「海安」最近碼頭，但行過見人山人海，好驚，唯有即刻轉場！
四圍逛下，估唔到另有發現：喺東街轉過彎，落樓梯去地鐵站時，發現咗「華樂」！真係行快兩步，都可能會錯過！
老老實實，「華樂」個樣一定係舊嗰隻，茶餐廳就堅係；算唔算堅冰室，就要試過至知。
見唔算太多人，價錢亦合理，就姑且入去試下啦！
坐低四圍望，果然如樓上食評師兄所講，確係好有特色下；但環境唔係我杯茶，食物好味至係重點！而「華樂」，果然畀到驚喜我！
正值午飯時段，我叫咗個午餐($46)，當中詳列如下：
黑椒豬扒意－－豬扒同意粉分開上，豬扒大大塊，炸得香噴噴；意粉份量好夠，配上黑椒汁，十分惹味！
煎蛋牛油方包－－恕我孤陋寡聞，咁大個人，都唔知道茶記有呢款食物供應：一隻荷包蛋，放上搽滿牛油的方包上，十分邪惡，但味道出奇咁夾！一啖咬落去，蛋汁流出、鮮味湧現，配合埋牛油香滑，整體就是完美結合！天呀，這正正是我想像中的「冰室風味」！
奶茶－－正正常常，都算香滑有茶味。
以$46嚟講，真係冇得輸！
至於老友就點咗個咖哩雞扒意($48)，同樣都係分開上，嗰碟咖哩直頭滿到瀉，而雞扒亦碎上方便客人享用。問老友味道如何，佢剩係不停食同不停點頭，唔得閒招呼我，咁睇嚟都應該合格以上。
最後兩個人埋單，都唔駛一舊水，就食到捧住個肚走！
呢間「華樂」我唔敢講話係好出眾嘅冰室，但就好隱世下，而且唔係扮冰室，而當中嘅環境同食物確係充滿正宗冰室風味；香港呢啲地方，已經越來越少呢類寶物，應該要珍惜。
午餐
$46
74 views
1 likes
0 comments
黑椒豬扒意
37 views
1 likes
1 comments
黑椒豬扒意
50 views
0 likes
0 comments
煎蛋牛油方包
53 views
1 likes
1 comments
熱奶茶
36 views
1 likes
0 comments
咖哩雞扒
$48
46 views
1 likes
0 comments
咖哩雞扒
$48
42 views
0 likes
0 comments
Post
