麻辣派對 (金百利廣場) (Closed)

呢晚同男朋友出左銅鑼灣行街~行到咁上下肚餓要食晚餐啦~我突然好想食酸菜魚, 所以就去左麻辣派對食飯了我之前只係去過尖沙咀分店, 今次係第1次來銅鑼灣, 原來裝修都係差唔多FEEL~都係好COLOURFUL, 好有格調既感覺~我地叫左個酸菜魚, 要黑魚。因為冇咁多骨。因為之前都食過, 知佢好大盤, 所以我地只係叫一個主菜, 唔叫其他了。只係係酸菜魚度加左田雞同水晶粉~呢度酸菜都幾酸嫁!但配魚食好正!酸菜魚好大盤, 我地2個人食極都未食得完魚片切得厚薄適中, 唔會太厚似魚塊, 又唔會太薄一夾就散。魚肉都滑, 冇泥味, 魚片都冇骨。我地仲加左田雞, 田雞份量都唔少~配酸菜食都唔錯, 好開胃~本身個酸菜魚仲有D魔芋做配料, 同個湯好夾!吸左個湯既味, 又彈牙, 我覺得好好味!另外我地加左水晶粉~水晶粉勁吸味!本身個酸菜魚應該都有, 但我嫌唔夠喉, 所以加多左份食得盡興D我地仲叫左個凍蜜語水果茶, 係用JAR上, 唔係杯呀!先$38蚊, 好抵!2個人SHARE飲都OK!仲有好多生果, 有橙, 檸檬, 青檸, 西瓜,熱情果同火龍果,解辣一流最後店員仲送左2個桂花冰粉我地食, 少甜, 有淡淡的桂花香