Video
Read full review
2020-08-23
1207 views
呢日中午同同事出咗尖沙咀The ONE換化妝品試用裝，本身諗住拎完就閃，再去激安買啲食物返去，但又見到Gram Cafe嘅午餐幾吸引喎，仲要唔貴，咁不如坐低直接食埋😜。店員服務好好，而且好落力同盡責咁向街客宣傳午餐；我相信在席唔少客人同我哋一樣，都有因為呢個原因而進內幫襯👍。餐廳環境唔錯，有招牌大樹🌳，坐得亦都舒服。不過可能係半開放設計嘅關係，冷氣爭少少。午餐得A、B兩款，免卻選擇嘅煩惱，加上門口嘅兩款Display都好吸引😍。午餐仲要包埋餐湯、飲品同甜品，絕不欺場！是日餐湯係🍄蘑菇湯，我哋估計餐廳本身係想營造太極兩色嘅效果☯️，不過其中一碗好似失敗咗，哈哈，但無損滋味。湯嘅感覺睇落比較稀身，但實則幾夠味的，味道唔似一般嘅忌廉湯，反而似雞湯，蘑菇味亦都出。午餐A) 法蘭克福腸、車厘茄意大利粉配忌廉汁($58)，🍝呢碟意粉聽落好似係小朋友口味，個樣就似明太子意粉，因為橙橙地、紅紅地色。意粉超好食😋，口感彈牙但唔會硬或韌，最正嘅係個忌廉汁，既Creamy得嚟又唔膩，仲好似有混到千島醬，勁正！啲餸就普普通通啦，少少頹，但勝在夠多。午餐B) “Gram”精選賓尼蛋沙律($78)，呢碟個賣相贏哂，
呢日中午同同事出咗尖沙咀The ONE換化妝品試用裝，本身諗住拎完就閃，再去激安買啲食物返去，但又見到Gram Cafe嘅午餐幾吸引喎，仲要唔貴，咁不如坐低直接食埋😜。
店員服務好好，而且好落力同盡責咁向街客宣傳午餐；我相信在席唔少客人同我哋一樣，都有因為呢個原因而進內幫襯👍。
餐廳環境唔錯，有招牌大樹🌳，坐得亦都舒服。不過可能係半開放設計嘅關係，冷氣爭少少。
午餐得A、B兩款，免卻選擇嘅煩惱，加上門口嘅兩款Display都好吸引😍。午餐仲要包埋餐湯、飲品同甜品，絕不欺場！
是日餐湯係🍄蘑菇湯，我哋估計餐廳本身係想營造太極兩色嘅效果☯️，不過其中一碗好似失敗咗，哈哈，但無損滋味。湯嘅感覺睇落比較稀身，但實則幾夠味的，味道唔似一般嘅忌廉湯，反而似雞湯，蘑菇味亦都出。
法蘭克福腸、車厘茄意大利粉配忌廉汁
$58
18 views
0 likes
0 comments
“Gram”精選賓尼蛋沙律
$78
5 views
0 likes
0 comments
餐廳特色係以「Gram班戟」取代傳統鬆餅Muffin包，即係快餐店豬柳漢堡嗰隻包。第一款係有煙肉、肉醬、牛油果🥑、蕃茄同生菜。老實講，呢堆餡同塊班戟唔算十分夾，因為班戟甜甜哋，但都得意嘅。最令人印象深刻係上面塊煙燻過嘅厚切豬腩肉🥓，鹹香十足、超級惹味，可唔可以單買一斤走？
另一款口味比較傳統，因為係有煙三文魚、半熟蛋同自家荷蘭汁，佢哋同班戟就無乜違和感。🥚水波蛋一切即刻爆漿，無過熟，唔錯。伴碟仲有幾粒煎薯粒，但略嫌淋咗少少，同埋多幾粒就更好🥔。整體份量對男仔而言就可能未必夠。
食完主菜就到跟餐甜品喇，無論味道如何，單憑造型已經覺得好有誠意，因為係餐廳嘅招牌班戟仔🥞。
迷你班戟仔嘅面積就如士多啤梨平面大小🍓，稍為大過五蚊銀。即使係咁細，造型仍然係十分細緻，班戟上面放咗吉士醬同水果，味道還好，可能不是梳乎厘口味，所以口感較為實在。
午餐跟飲品，我哋都要咗凍檸茶🍋。
對於呢頓午餐，我哋相當滿意，可以比滿分💯！咁嘅價錢畀齊全套午餐你，仲要喺尖沙咀大商場入面，邊到搵？深水埗都唔止呢個價啦。
最後，我哋買咗兩個外賣班戟當生日蛋糕同壽星女慶生🎂。外賣班戟製作時間大約需時十分鐘，包裝靚靚的。
口味有六款揀，價錢由$68-$108不等，紫薯最貴！店員話外賣班戟係堂食嘅迷你版，因此平啲😬。
班戟成品同櫥窗展示嘅一樣，兩款口味均係三塊薄班戟拼兩層厚厚嘅忌廉。本身見咁多Cream，驚會好膩😳，好彩又無喎，而且仲幾好食。
雜果班戟
$68
23 views
0 likes
0 comments
石板街班戟
$68
24 views
0 likes
0 comments
總括嚟講，我覺得Gram Cafe嘅堂食午餐以及外賣班戟同樣出色🤤。之前已經知道呢間過江龍店登陸香港，但一直未有機會試，只係聽過評價一般。不過呢日嘅體驗十分良好，絕對值得推介！
Post
