Hungry Monkey (海之戀商場) (Closed)

海之戀美食非常之多，今次到了一間主打日式鐵板燒的酒吧餐廳。背景音樂加埋霓虹燈裝潢，感覺型格，非常chill。當然要叫番杯啤酒chill 下啦。三得利 black and white，啤酒麥味香濃，加上冰杯夏日透心涼。比目魚沙律🥗比目魚油脂豐富，師傅再用鐵板逼出魚油，醒上新鮮沙律菜，非常清新開胃。唐揚甘蝦，可以連殼一齊食，炸得非常香口，加上少許七味粉，非常邪惡嘅小食。赤海老板串，非常巨大的海老，肉實爽口彈牙。日本小甜薯，外皮煎得香脆，入面爽甜。横綱黑䐁餃子，餃子皮超級薄，爆汁餃子，簡單國民美食。南非鮑魚，新鮮鮑魚，本身鮮味已經非常足夠，再加上鮑魚肝醬汁，鮮上加鮮！鐵板羊架，份量十足，外皮煎得蕉香，肉嫩爆汁。A5和牛坑腩炒飯，和牛坑腩油脂較為豐富，師傅逼出牛油，令到每粒飯都有牛油香味，齒頰留香。鐵板大白鱔，厚切白鱔，外皮煎得非常香口，魚肉卻很嫩。店員換碟和加茶速度非常之快，服務周到，師傅控制火候都恰到好處，人均消費$500實在難得。