餐廳門口靠右既位置有個好有特色既圓形流沙煙霧打卡位📸️
餐牌上有特別既fusion菜式可以選擇～
🔸北海道海膽扁意大利麵 $218
北海道海膽新鮮鮮甜，而且味道濃郁，意大利麵撈混之後，每條都帶有香濃既海膽醬味，而且因為用上昆布汁去煮，意粉質感會更creamy，令人食唔停口，好食推介👍🏻
🔸慢煮伊比利亞黑豚肉 $198
黑豚肉以慢煮方式烹調，肉質相對一般豬肉而言會更軟腍，而且肥瘦適中，配上車厘茄、蘆筍及相當幼滑綿密既自家製薯蓉，最特別既係個紅酒汁繪梨醬汁，好似麥芽糖咁，能夠中和油膩感，我同朋友都超鍾意個醬汁，好食推介👍🏻
🔸自家製蘋果撻伴雪糕 $68
薄薄既酥皮上面鋪上玉桂蘋果片，食落相當香脆，仲有淡淡蘋果香，而雪糕有雲呢拿、朱古力同芝麻三款口味可以選擇，朱古力味相當濃郁，好食推介👍🏻
🍹Mocktail $88
🍍菠蘿青瓜梳打
🍎蘋果玫瑰茶
除左餐牌上既飲品，餐廳每日都會有唔同既Daily Mocktail可以選擇，可以問一問店員～菠蘿青瓜嗰款味道清新，菠蘿同青瓜味都突出；蘋果玫瑰茶飲落有少少似山楂茶，能夠解膩。
整體黎講，餐廳環境型格有特色，意粉、黑豚肉同甜品都好食有質素，係尖沙咀想搵高質西餐既話，都可以試下。
