鹿角巷 (Closed)

旺角既鹿角巷竟然有座位坐，店舖裝飾都好型格，有好大個鹿頭噴畫係牆壁，格黎仲有灰白拼貼既磚塊～坐位同枱面都好乾淨，人流多，依然保持到乾淨，認真不錯！成個環境都好開揚，清楚咁睇到每一杯飲料既製作！仲有個排隊號碼牌，可以清楚知道叫到邊一杯，同仲有幾多杯到自己～係收銀處仲有小貼士，建議我地第一次品嚐不要「微糖」、「走冰」我叫左杯小鹿出抹 $32漸層做得靚，外觀一流～抹茶加上黑糖鹿丸，抹茶味十足，鹿丸黑糖味雖然未係太驚喜，但黑糖味都十足，甜度適中～鹿丸好有咬口，好好味！加分～分量唔算多，但飲完都有滿足感！不錯。