4號烤吧 (Closed)

4號烤吧西環卑路乍街116-122號聯康新樓1樓A號舖今日同朋友去西環鐘聲泳棚， 順路去呢間烤魚雞煲店晚餐， 由堅尼地城地鐵站B出口，行幾分鐘就到了。我哋約六點到餐廳，坐了約半小時多，已差不多坐滿人了。打開餐牌好多選擇， 因不食辣侍應小姐介紹烤魚餐， 我哋點咗兩碟小食， 一揸凍飲， 另外一碟即炸響卷鈴。值得推介金沙炸魚皮 $48魚皮够大塊薄身， 炸到鬆脆可口， 食到有少少嘅鹹蛋黃味，以$48元有這份量，都算抵食。皮蛋肉鬆豆腐 $42豆腐非常滑幼嫩， 配上皮蛋相得益彰， 豆腐再加上 wasabi肉鬆，喜歡這味道有少少驚喜。翟家欖豉烤魚（江團魚）走辣 $258配料有： 洋蔥 大蒜 蓮藕 薯仔 蘿蔔 豆腐卜 芽菜  雲耳，都好多材料，魚入口好滑， 好適合重口味嘅人士， 如果平時食開淡口嘅，可以先叫侍應換上較清淡嘅湯汁，另外加少少辣會更加惹味。即炸響鈴卷 $40係新鮮炸嘅，本身已經好好食， 建議一放落湯，有少少軟身，要即時取出，會更美味，不要沾大多的魚汁味。百香水果茶 （渣） $48本身新鮮百香果已經酸酸甜甜， 再加其他果汁， 味道又不會太甜， 如果食辣辣餐的人仕，會更好喜歡這飲品，健康又有益