金樂軒雞煲魚鍋

Open Now

Now Closed

鍾意食雞煲既你，一定要試下呢間雞煲！雞煲個醬汁不但惹味，辣度更拿捏得啱啱好，連我身邊唔係好食得辣的朋友都接受到佢小辣嘅程度。雞煲有豆卜，冬菇，洋蔥做配角，配角比較容易索味不再話下，最重要連主角-雞件，都非常入味。無論主角定配角都會有一種令人食完一件再食多件嘅魔力。另外，佢地既炸魚皮同竹蔗茅根又係會令人着迷，同誠意爆棚之作。出面大多數既炸魚皮都係九年前已經炸好，所以都係冷冰冰😒但佢既炸魚皮係即炸，所以送到上枱係熱烘烘，脆卜卜，就咁食又得，掉落個煲到點汁食又得。竹蔗茅根用料十足，又唔太甜，最重要係佢地自己煲，所以絕冇添加！呀媽成日都話打邊爐雞煲熱氣，但加埋冰凍健康嘅糖水，簡單係完美配搭。豚肉又厚，又新鮮，可能係因為佢比較厚切，所以食落口感相當唔錯👍🏻辣子肥腸，重點係熱同即整，辣椒味恰到好處，好少可食到啲無臭味既炸大腸。值得讚既係呀姐，佢話驚加得太多湯後會稀釋本身雞煲啲醬汁，所以不厭其煩為我地每次逐少逐少加湯，為既都係希望顧客食到最好既雞煲，呢啲並唔係普通既服務態度，係有家既感覺😌呢度仲有好多好多水煮野，鍾意食辣嘅我下次一定會再黎食哂佢。