Mini Friday (銀城廣場) (Closed)

今晚放工後約咗朋友食晚飯，一早知道旺角多樓上餐廳，之前都有試過同層隔離嗰間日本嘢，今晚一於再去9樓，試埋呢間西餐廳。入到餐廳，環境柔和，地方寬敞，我同朋友因為太肚餓嘅原故，一坐低梳化位，就快快點餐。我點咗晚餐set ，喇沙帆立貝意粉包一杯價值$30嘅飲品，多咗嘅就補差價。朋友則點了椒麻雞肉意粉。另外，我哋還點了一客蜜糖蒜片炸雞及韓式炸醬炸雞🍗，來一趟味蕾大冒險。我最欣賞嘅係佢嘅喇沙帆立貝意粉🍝，意粉夠彈牙，喇沙醬辣辣地，帆立貝比較大隻，口感一流。朋友的椒麻雞肉意粉亦炒得不錯，椒麻的辣度剛剛好，雞肉夠滑。其他的兩款炸雞則不過不失。總括而言，餐廳環境舒適，不失為朋友聚會嘅好地方。