串Grill 自助燒烤專門店 (譽發廣場) (Closed)

食物：ok,但某些食物開門1小時就售罄價錢：$198 加一環境：乾淨但有奇怪臭味，冷氣微弱之前有親人推薦這間串grill，這次便打算中午去試試。佢去既係地鋪嗰間，我係去左樓上鋪嗰間。一出𨋢就聞到一陣臭味，但唔肯定是甚麼味。進到鋪頭，冷氣不強，以為可能唔多人，所以沒開大冷氣。不過環境幾乾淨叫完食物，就去拎杯飲品解下熱，點知飲品唔凍，好似啱啱雪落雪櫃咁。心諗唔緊要，可能食完一個鐘拎會凍啲，但其實佢真係唔會凍。。。食物方面，牛肉同豬腩肉幾好味。呢間本身主打冇調味，可以自己加4款調味料加3款醬落去，適合對某啲醬料有敏感既人調味料＆醬料：1）椒鹽 2）孜然 3）鹽 4）麻辣粉1）柚子醬 2）燒汁 3）醋可惜，愈燒愈熱，冷氣又唔夠，㗎𨋢啲冷氣仲大過餐廳啲冷氣，最後問侍應，佢地話冷氣壞左。隔離枱個客要攞餐牌撥涼，我朋友都熱到臉紅哂。燒烤冇冷氣，出面天氣又熱真係好難受。某些食物準備唔夠。居然叫完一輪棉花糖就售罄。完全冇諗過可以冇棉花糖，剛剛才開門1小時就沒了？！場上又唔滿座，點可能咁快賣哂，唯一解釋係佢地諗住留翻俾夜晚嗰場同埋唔好期待侍應有禮貌，會有人無啦啦踢垃圾桶，嚇死客人。。。可能佢地都覺得熱燥底