Video
Read full review
2017-03-15
182 views
十年都去過利東街，今日朋友叫到，去試間韓國餐廳BISTRO SEOUL。係街口，已經被滿天既紅燈籠吸引左，翻新左後真係幾靚，氣氛幾浪漫，最岩就係同男朋友黎。睇左餐牌，價錢OK，我地就入左去。環境唔錯，但唔似韓國餐廳，反而似西餐廳，坐得幾舒服。我地主要都係放工飲下野，所以叫輕食。第一，我地叫左個薄切豬腩肉片芝麻沙律$128。老實講，以$128價錢黎講，係有D失望。師傅只將材料切好，有沙律菜、豬肉片、洋蔥、兩粒車里茄，另外俾左一小碗芝麻醬。材料好新鮮，但冇咩特色。個碟好細，要撈混醬汁會唔方便。口乾乾，叫左兩杯COCKTAIL，好抵！HAPPY HOUR 時間，一杯只係$45，仲要大大杯！一杯係SOJU RESANGRIA，店員果然冇介紹錯，酒味唔算濃，易入口，有D似飲有酒既雜果賓治。另一杯係MANGO SOUR，賣相好好睇，有燈籠果。但入落有少少藥水味咁，可能我唔太中意飲酒味濃既飲品。第二個，我地叫左牛肉餅配蜜糖醬油汁$168。牛肉餅好似漢堡排，但係真材實料，食得出係牛肉打成，好重牛肉味，肉質都好實，但係有小小「鞋」。但我同朋友都放左重點落個年糕個到。係烤年糕，好煙韌，烤到熱辣辣，外面硬身
睇左餐牌，價錢OK，我地就入左去。環境唔錯，但唔似韓國餐廳，反而似西餐廳，坐得幾舒服。我地主要都係放工飲下野，所以叫輕食。
第一，我地叫左個薄切豬腩肉片芝麻沙律$128。老實講，以$128價錢黎講，係有D失望。師傅只將材料切好，有沙律菜、豬肉片、洋蔥、兩粒車里茄，另外俾左一小碗芝麻醬。材料好新鮮，但冇咩特色。個碟好細，要撈混醬汁會唔方便。
口乾乾，叫左兩杯COCKTAIL，好抵！HAPPY HOUR 時間，一杯只係$45，仲要大大杯！一杯係SOJU RESANGRIA，店員果然冇介紹錯，酒味唔算濃，易入口，有D似飲有酒既雜果賓治。另一杯係MANGO SOUR，賣相好好睇，有燈籠果。但入落有少少藥水味咁，可能我唔太中意飲酒味濃既飲品。
第二個，我地叫左牛肉餅配蜜糖醬油汁$168。牛肉餅好似漢堡排，但係真材實料，食得出係牛肉打成，好重牛肉味，肉質都好實，但係有小小「鞋」。但我同朋友都放左重點落個年糕個到。係烤年糕，好煙韌，烤到熱辣辣，外面硬身，入面煙韌！仲食到陣陣芝士味！
雖然兩個都係輕知，但都有六七成飽，叫多個甜品就岩岩好。㨂左石頭鍋年糕伴雪糕$68。黎個甜品真係要試試，用燒到熱辣辣既石頭鍋，底層係煮到滾既黑糖漿同埋韓式年糕，中間係雪糕，最上層係脆脆既米餅，又凍又熱，又脆又煙韌，多重口感。
店員服務態度好好，環境都舒適，係有小小貴。氣氛浪漫，岩晒情侶拍拖，姐妹傾心事。
Post
