Video
Read full review
2017-12-19
343 views
呢幾日天寒地凍，最啱食火鍋，不過最近應酬多數都係食火鍋，次次都大大盤肉，今晚決定貴精不貴多，食個清清淡淡嘅高質火鍋。要數高質，當然係和牛啦。和牛88來自沖繩名店Steak House 88，紮根60年，喺沖繩有多間分店，以和牛做出多樣菜式。我同朋友都係牛魔王又為日本瘋狂，呢度真係不二之選。餐廳裝潢係歐式紅磚+木地板配搭日式隔簾燈籠，帶俾食客溫暖感。背景播放住歐陸風音樂嘅悠揚樂聲，坐喺闊落嘅卡位，感覺非常輕鬆愜意。餐廳亦有獨立和式單間，有三張四人枱，如果一大班人嚟訂定房就可以當係私竇gathering。【梅酒Sour $50】以梳打水稀釋而成嘅雞尾酒。梅子味同酒味平衡而不濃烈，適合我呢啲平時都只會小酎幾杯嘅人。【沖繩Lime Juice $40】沖繩最常見到嘅果汁，味道介乎柑橘與檸檬之間，清爽嘅超級酸味，開胃一流。【和牛火鍋$248】好精緻嘅火鍋，全和式餐具器皿。總共有八片牛肉，有四片係赤身，油脂都算豐富，淥完後仲係好嫩滑，而且牛味濃郁。另外四片就油脂分佈更細密嘅雪花狀，食落係滿口油香，いちばん!湯底有3種選擇，分別係白雞湯、法式濃湯、日式醬油湯。店員話法式濃湯係牛骨湯，初初以為係奶白色
餐廳裝潢係歐式紅磚+木地板配搭日式隔簾燈籠，帶俾食客溫暖感。背景播放住歐陸風音樂嘅悠揚樂聲，坐喺闊落嘅卡位，感覺非常輕鬆愜意。
餐廳亦有獨立和式單間，有三張四人枱，如果一大班人嚟訂定房就可以當係私竇gathering。
【梅酒Sour $50】以梳打水稀釋而成嘅雞尾酒。梅子味同酒味平衡而不濃烈，適合我呢啲平時都只會小酎幾杯嘅人。
【沖繩Lime Juice $40】沖繩最常見到嘅果汁，味道介乎柑橘與檸檬之間，清爽嘅超級酸味，開胃一流。
【和牛火鍋$248】好精緻嘅火鍋，全和式餐具器皿。
總共有八片牛肉，有四片係赤身，油脂都算豐富，淥完後仲係好嫩滑，而且牛味濃郁。
另外四片就油脂分佈更細密嘅雪花狀，食落係滿口油香，いちばん!
湯底有3種選擇，分別係白雞湯、法式濃湯、日式醬油湯。店員話法式濃湯係牛骨湯，初初以為係奶白色有豐富牛骨味嘅濃湯底，嚟到見到係清湯而且係帶甜，雖然同想像中唔同但個湯底係適合用嚟涮和牛，唔怕遮咗啲牛味。
配料都唔少，蔬菜、菇類、豆腐係指定動作，全部用料新鮮。
醬料係柚子醋同麻醬。食得出個麻醬係真材實料，完全係濃郁真．芝麻味。
【和牛88火焰牛扒$288】火焰牛扒名符其實，店員先喺牛扒上淋酒然後點火，火勢會蔓延到成塊牛扒，好有噱頭。
我地叫咗三成熟，再加火焰燒一燒差不多到五成，睇到肉質相當粉嫩。
和牛係赤身部份，脂肪較少，牛味都唔錯，配菜有薯仔、紅蘿蔔、南瓜等等，不過同牛扒最夾嘅係洋蔥，食落會香口啲。
埋單後仲送左兩個銅鑼燒俾我哋做甜品~
呢度除咗火鍋同鐵板和牛外，仲有和牛刺身、和牛壽司、和牛手卷、和牛炒飯/伴飯、和牛沙律等等，亦有非和牛菜式同西式菜式，例如芝士沙樂美火腿拼盤、法式濃湯茶漬飯、法式鵝肝醬燉蛋、日本縣產煙肉卡邦尼意粉等等，都真係非一般日本菜餐廳，下次可以約多幾個朋友食多啲款式。
Post
