Video
Read full review
2019-09-21
62 views
今晚放工, 陪老公行經尖沙咀人來人往的街道, 忽然見到呢間印度素食店。本身都無咩為意, 但老公就比佢個靚靚招牌和美食吸引著。我心諗:食素怕唔夠我飽, 而且覺得印度菜唔係幾岩口味, 咪搞我啦。但係老公就好有心咁話好想試, 咁好啦我就陪佢上去餐廳望下, 睇下岩唔岩FEEL啦。一上到去, 我就見到個門口已經好靚,心諗原來印度餐廳都好似平時D西餐廳咁靚架咩?再一望入去更加不得了!!個裝修好有印度特式, 色彩繽紛!!中間一個7彩飾櫃 , 鮮艷的梳化和椅子, 再配上黑白灰既地磚襯色, ,真係好有度假FEEL, 岩哂我呢D辛苦左9個鐘的打工仔過黎CHILL下。然後個侍應姐姐仲好有禮貌咁招呼我地, 接住就安排左一張4人桌比我地。坐低已經比個環境吸引住, 無咩留意MENU入面既菜。哈哈! 睇MENU 發覺原來係有中文翻譯!!太好了!本身我就有少少怕辣, 再加上都麻麻地印度CURRY, 所以我無咩諗法食咩菜好, 就跟住老公的意思, 點左幾款印度特式菜。好啦, 到上菜啦,食物上菜的時間都幾適當! 唔快唔慢。第一樣上菜的係呢杯pink peru佢係番石柳味的雞尾酒!! 好重蕃石柳味!!甜甜地既雞尾酒, 係幾
一上到去, 我就見到個門口已經好靚,心諗原來印度餐廳都好似平時D西餐廳咁靚架咩?
再一望入去更加不得了!!個裝修好有印度特式, 色彩繽紛!!中間一個7彩飾櫃 , 鮮艷的梳化和椅子, 再配上黑白灰既地磚襯色, ,真係好有度假FEEL, 岩哂我呢D辛苦左9個鐘的打工仔過黎CHILL下。然後個侍應姐姐仲好有禮貌咁招呼我地, 接住就安排左一張4人桌比我地。
坐低已經比個環境吸引住, 無咩留意MENU入面既菜。哈哈! 睇MENU 發覺原來係有中文翻譯!!太好了!
本身我就有少少怕辣, 再加上都麻麻地印度CURRY, 所以我無咩諗法食咩菜好, 就跟住老公的意思, 點左幾款印度特式菜。好啦, 到上菜啦,食物上菜的時間都幾適當! 唔快唔慢。第一樣上菜的係呢杯pink peru
佢係番石柳味的雞尾酒!! 好重蕃石柳味!!甜甜地既雞尾酒, 係幾解渴!
之後的菜係Crispy corn basket
佢係以一個盤形式上菜的, 有高貴既感覺。甜甜地,酸酸地帶少少辣, 易入口好開胃!! 怕辣的我係完全接受到的!!
之後就係Do RukhaKhumb
每個小菇都釀了芝士, 再配上特式醬料, 口感非常新鮮!!! 另外, 我好鍾意呢個木竹器皿, 小蘑菇配上木竹, 簡直將自然風味更加昇華!! 好match啊 !!
之後到烤餅 (NAAN) 和菠菜蓉咖哩(SAAGPANEER) 上菜啦
呢個菠菜蓉咖哩有D芝士粒係入面, 完全唔膩, 好易入口!!! 另外個烤餅烤得唔錯, 有咬口, 唔會好乾, 配上咖哩好快就食哂, 因為太好味啦!!!
總括而言,呢度每一樣菜都比到驚喜我 !!! 我無諗過原來印度菜係可以咁精緻, 咁多元化。今次真係改變左我舊有既諗法, 唔再覺得印度菜只係得辣字。就算我怕辣, 都可以係呢度食得津津有味!!! 少辣而香。 ANYWAY, 我愛印度菜!!
Post
