Video
Read full review
2010-02-12
380 views
2010年2月8日, 這個日子, 對其他人來說, 只是平平無奇的一個星期一, 或是一大班人去到老北京吃喝玩樂的一個高興晚上. 而是日, 除了預祝情人節之外, 亦是我們結婚的一個日紀念. 同一晚, 慶祝兩件事.是日, 我找來這一間我期待已久的素食小館, 同齋妹開心地渡過這一個晚上. 而且, 她最喜歡就是留在家中, 素苗, 亦是一間好有Home feel 既樓上Cafe. 一早訂定檯, 我們於銅鑼灣約了, 行了兩個圈年宵, 一齊係中央圖書館門前, 踏上往跑馬地的電車.....不一會, 就來到跑馬地總站. 找到門口, 行上一條一踏錯步就會仆死既樓梯. 小小的Cafe仔, 感覺非常舒服, 若不是放了幾檯客, 同有個賣有機蔬菜既Counter, 這裡是一個非常舒服的Home.由於我同店方講明, 呢一餐是預祝情人節的, 所以安排了我們一個非常Private既空間, 而這小小的空間, 就是行上幾級, 之前有食友介紹過的榻榻米Platform. 雖然不太慣坐榻榻米食飯, 但感覺上, 好屋企, 好似我們坐在疏化, 係茶几食飯咁既樣, 係差在沒有電視睇姐.是日Menu, 不用我們多諗, 因為是私房菜形式既
是日, 我找來這一間我期待已久的素食小館, 同齋妹開心地渡過這一個晚上. 而且, 她最喜歡就是留在家中, 素苗, 亦是一間好有Home feel 既樓上Cafe. 一早訂定檯, 我們於銅鑼灣約了, 行了兩個圈年宵, 一齊係中央圖書館門前, 踏上往跑馬地的電車.....不一會, 就來到跑馬地總站. 找到門口, 行上一條一踏錯步就會仆死既樓梯. 小小的Cafe仔, 感覺非常舒服, 若不是放了幾檯客, 同有個賣有機蔬菜既Counter, 這裡是一個非常舒服的Home.
由於我同店方講明, 呢一餐是預祝情人節的, 所以安排了我們一個非常Private既空間, 而這小小的空間, 就是行上幾級, 之前有食友介紹過的榻榻米Platform. 雖然不太慣坐榻榻米食飯, 但感覺上, 好屋企, 好似我們坐在疏化, 係茶几食飯咁既樣, 係差在沒有電視睇姐.
是日Menu, 不用我們多諗, 因為是私房菜形式既關係, 今天有什麼好食, 店主就弄什麼俾我地食, 人人一樣.
首先來的, 當然是麵包, 店主另外係錦田有個有機農場, 菜一定是有機菜. 不知serve俾我地食既麵包, 是否也是有機麵包呢. 不過我要讚的, 不是非常可口的麵包, 而是那更加可口的自製芝麻醬. 充滿芝麻香的醬, 是冰凍過的, 店主姐姐沒有透露用了什麼去整到個醬咁creamy, 但creamy既味道, 食出不是奶味, 沒有牛油果味, 更加唔似香蕉. 非常之特別.
是日餐湯是甘荀南瓜湯, 味道有濃香的南瓜味, 有甜美的甘荀味. 兩者混合, 煮成一個甜美香濃的西式湯.
沙律, 是招牌的素苗沙律, 用的菜, 當然全是organic啦, 所以店主姐姐說, 店主哥哥非常之執著, 一定要用有機菜, 同olive oil, 所以成本好貴. 我們坐係高高在上的榻榻米位, 可以清楚睇到廚房既製作, 他們真的一絲不苟, 完全用Olive Oil 煮食同整沙律.
主菜, 是鷹咀豆椰菜批配大啡菇菠菜麵, 批, 看見他們一盆盆的焗出, 鷹咀豆真的未食過, 口感幾特別, 而批, 用上olive oil令人食落感覺唔肥膩, 幾好. 不過, 個菇就味道偏咸, 菠菜麵portion幾大, 成個set, 好飽.
最後, 另加$25, 多一個甜品, 名為蓮蓉西米布典, 因為果布典有蓮蓉, 焗出黎之後味道又甜, 並發出一陣陣的蓮蓉香味. 只是連甜品肚都裝滿了, 我們一人share一個已經好夠.
店主的親善, 店子的家庭feel, 環境有點悠閒, 感覺上, 是可以另覓一個紀念日, 同多幾個茹素的朋友來, 一齊悠閒地, 食個晚餐.
Post
