寶城美食店

Open Now

Now Closed

耐不耐我都會食炸雞脾的，有試過一些出名的店，不過都唔夠「寶城」的炸雞脾好食。這間餐廳位於紅磡廣場的地庫。其實佢係一間快餐店形式的食肆，入到去搵好位，睇完餐牌就出去收銀櫃位落單。之後拿個號碼牌仔，就可以埋位等侍應送餐來。我今次係專程來食炸雞脾的，因為幾個試過的朋友都讚不絕口，話好過很多出名食炸雞脾的餐廳。炸雞脾一上到檯，嘩😍又大隻又金黃色！雞脾新鮮炸起，實在太熱辣辣唯有用刀叉食。一刀切落去，就聽到塊雞皮脆到「卡勒卡勒」聲，一啖咬落去果然又香又脆。雞肉嫩滑又多汁，完全唔覺得乾爭爭。唔食過都唔知，原來炸雞脾都可以做到肉質嫩滑多汁。一如朋友所講，「寶城」的炸雞脾真係很好食絕對令人想回頭食多次，亦都值得專程再來食多次。