寶城美食店

Open Now

Now Closed

之前係影片分享平台見到紅磡廣場有間知名炸脾小店。撞正今日開會途經,見倒仲有少少時間。所以專登開會之前去叫個炸雞脾外賣，雞脾鮮嫩多汁，調味得宜。係夏天食完炸脾緊係要加杯凍奶茶，一杯奶茶化消炸脾油膩嘅感覺剛剛好，不會太甜又解渴，簡簡單單但幸福感滿滿。老板同員工都好好人，有禮貌又好親切。因為知道我時間比較趕急所以專登幫忙到廚房跟進，服務和人情味滿分，加油，支持你PS: 因為太急冇時間影低隻雞脾已經消化左LOL。

大碟好食既快餐店選擇又多，質素好過出面大街啲茶餐廳，價錢都唔係特別貴所以深受附近打工仔同學生歡迎，一到中午食飯時間就會爆滿，服務比澳牛更澳牛去收銀俾錢落order 慢啲你都會😂😂不過慣左都幾過癮，唔使諗坐耐啲，因為佢lunch 真係多人食同等位！焗鮮茄珍寶腸雞排飯 $52雞髀炸同滷水都好食同多人叫，今次食焗飯無剩係食雞髀咁dry ，個焗飯係炒飯底加埋鮮茄個汁香噴噴，而且雞排都大大件包你飽同埋醃得唔錯 ！👍🏻推薦！

成日想試吓呢間紅磡名物炸雞脾, 因為間餐廳平日5：00pm就收工,紅日又唔開. 成日就唔啱時間. 今日終於有機會試一試呢隻聞名已久嘅炸脾其實因為唔太肚餓,所以只係叫咗炸雞脾,無叫其他食物.炸雞脾單叫$34, 下午茶嘅話加多杯熱飲就$42. 價錢嚟講呢個區都算合理雞脾上枱, 見到隻脾嘅size有少少失望, 無想像中咁大隻. 生炸雞脾, 入口非常熱, 皮脆肉嫩, 每一口都充滿肉汁, 孜然味亦唔算重, 更重要是隻炸脾拎上手唔係太油,食落口亦唔覺得太油.因為 我食過好多其他炸雞脾, 第一口食落去已經成口油. 呢到隻炸脾就真係非常ok, 名不虛傳. 唯一問題就係我個人嚟講隻雞脾嘅Size唔夠大隻,唔夠食

老牌懷舊茶餐廳 一直都想試一到食飯鐘數就好多人🍗炸大雞髀 配意粉名不虛傳🔥一定要連皮食好大隻 多肉 咸味岩岩好 好多肉汁鎖住脆皮下💦平時食炸髀都盡量唔食皮 今次忍唔到🤤可以配飯🍚同意粉🍝同埋沙律🥗我配咗意粉用黑椒汁 超級多汁 唔會食到一半就乾晒我d同事有嗌其他汁都覺得好味😋呢間出名炸雞髀 但我都試左另一款豬扒結論都係炸雞髀滿足感大d😂

每次入寶誠都係一個挑戰, 原因在於你需要係個腦run一次個落order的步驟, 同埋好清楚自己要食咩, 否則就會有後果, 食過的人就會明!寶誠最出名係炸脾飯, 但因為我唔太好食炸野, 所以叫左個豉油王雞脾飯配是日靚湯, 凍熱野飲要另外加錢。交完飛就自己搵個位坐, 同埋要專心留意聽待應送餐時叫你的號碼, 否則就有可能會miss左!茶記都係好快, 所以等左一陣個豉油王雞脾飯同例湯(好似係花生眉豆紅蘿蔔煲排骨)就送到, 一如既往, 雞脾size都係幾大, 食落雞脾肉嫩滑, 豉油滷得非常入味, 似係有加D八角落去一齊滷。例湯就正正常常, 有D味精個D囉

呢間懷舊茶餐廳 而家真係好小地方有叫咗茄汁雞髀飯外賣 唔使8分鐘已經拎得我記得之前食過雞髀咬落去好去juicy今次食落去有少少乾 可能放得耐既關係但加埋茄汁飯 係好食同絕配完全係以前懷舊嘅味道 下次要試下焗飯先

紅磡仲食左好多間餐廳好似紅磡廣場間寶城又係雞睥關注組名物黎但佢又係同好多紅磡餐廳一樣就係星期日唔開既咁焗住又係星期六過黎啦寶城個位係紅磡廣場地庫其中一條電梯落到底就係快餐店格局係紅磡區已經算係比較大間了飯意粉之類都係五十蚊以內下午茶都有焗飯雞脾餐係偏貴既42蚊乜都無淨係包熱飲咁單點淨雞睥就34蚊即係個下午茶就只係比8蚊要杯熱飲一d都唔抵玩而焗飯平時正價一樣都係49蚊差別就係下午茶免左4蚊加熱飲快餐店就要先買飛再交飛比水吧位會有個牌仔佢會送過黎檯面唔洗自己拎香港好似已經無乜呢類型既港式快餐店下午茶無焗豬扒飯所以同雞脾兩樣都要左正價餐要左一杯凍飲加五蚊杯凍檸茶都正常既吹到話全港頭幾位既炸雞脾真係岩岩炸好上檯熱到辣手無可能用手拎黎食雖然唔似其他餐廳咁大到好誇張不過皮薄炸得好靚仔食落孜然粉味都幾重同埋啖啖肉每一啖都有肉汁滴出黎成件事都幾顛另一個係焗芝士豬扒飯同平時蕃茄唔同呢個重芝士好鬼漏豬扒就薄切唔差不過始終無蕃茄咁夾我自己就覺得一般兩樣野加埋88蚊唔會話係勁抵食但五十蚊個焗飯都叫比起好多連鎖茶記平同埋個雞脾真係正雖然無第一次食三多咁有驚喜但都好滿足可惜都係假期唔開啦

📌 寶城美食店 - 紅磡馬頭圍道37號紅磡廣場地庫2-3號🗓(10/6) 星期六 ⏰ 下午3點左右 💈特式：住得紅磡耐嘅朋友，都應該無人唔識呢間「寶城」，尤其是講開區內嘅生炸雞髀，我諗好多街城第一時間都係會諗起佢。🥩🍔🌭🌮🥗🥯🥘🍲🍝🍣🥟🍤🍱食物：今日係食下午茶，所以必點佢地個生炸巨大雞髀同紅豆冰，，而家等我同大家講下🍗味道先。馳名炸大雞髀 $50 - 可以選擇配薯條/沙律，如果想飲紅豆冰就再加多$5蚊。上上枱就會見到隻雞髀佢隻碟咁大，仲要係勁熱辣辣，表皮脆到香噴噴，又脆卜卜，雞肉就仲保留到肉汁，都相當juicy，表面再灑上少少淮鹽，增加d惹味感覺，不過今日就好似重手左少少，所以有少少咸，好彩我配左紅豆冰飲，啱啱好中和返。🍽環境：餐廳面積唔算大，就係好傳統既舊式快餐店風格，都算乾淨企理，夠光猛，但始終有返咁上下歷史，所以少不免有少許陳舊感覺。🤵🏻🤵🏻‍♀️🤵🏻‍♂️服務：店員服務都幾好，問樓面職員攞野都有求必應，無話唔show你。💰💸價錢：$55蚊一份生炸雞髀配薯條，再加杯紅豆冰，雖然講唔上好平，但都可以接受。🐲💬總結：我本身就大約一個月會幫襯1~2次，次次都係會揀下午茶時段嚟食生炸雞

在紅磡我們有兩家最愛的炸雞髀食店。今次介紹紅磡廣場的寶城美食。炸雞髀大大塊外脆內嫩夠juicy。可單點或拼飯/意粉。這家炸雞髀是紅磡名物！而最難得係芸芸肉食中竟然有素選擇—八寶齋飯！材料超豐富：雲耳、豆角、筍片、菜心、紅蘿蔔、豆干、麵筋、粟米芯。營養成分多，超高蛋白質👍🏻用上高蛋白野味南乳汁，平時少吃飯的我也吃了一大半。拼飯/意粉有6種醬汁選擇！黑椒，番茄，粟米，咖哩，豉油，蒜蓉汁，如轉磨菇，芝士,鮮茄汁另+$3 。飯又可以轉炒底，又可以煎蛋，腸仔，火腿，煙肉，餐肉,菜另加$4。真係超多組合🤪 阿仔又搵到佢最愛既肉醬意粉🍝。意粉可以選擇焗/不焗。一家人又可以同枱食飯，各自修行👨‍👩‍👦

呢間位於土瓜灣商廈的小店，平日係附近打工仔的飯堂。裝修很舊式，快餐店的營運模式，食客需要先係收銀度買飛（ps收銀姐姐有點惡），再去隔離廚房交飛。外表平平無奇，不過牆上面掛住幾張飲食雜誌的報導，一致推介佢的炸雞脾。我怕熱氣所以點左一個鼓油雞脾西式意粉，試一試係咪真係咁滑。西式意粉其實係茄汁，甜甜地特別適合小朋友食，分量如果多些更好。油雞脾非常入味，肉質嫩滑，的確同一般茶餐廳不同。如果係附近做野的朋友可以一試。

同事介紹呢間，去到覺得真的好有小時候的快餐店，好多水牌都偏向舊式，現在真的買少見少，好難再搵到這類型的快餐店🥺🥺所以連續兩日我們去試不同的餐～而且餐中的配搭，都好少有了，跟出面的冰室，好唔同～.當中的炸腸仔，汁料。。。都好正～主要當然炸髀，西多士，炸薯條都係必叫之一～黑椒炸髀飯😋👍🏻👍🏻.茄汁焗豬扒飯🐷🍚.粟米魚柳意粉.咖哩腸仔雞扒飯.黑椒腸仔豬扒飯.蒜蓉汁炸髀意粉.好正ge 西多士同炸薯條😋😋.飲品種類都好多😍🤩😋

寶城美食店由細食到大嘅生炸雞髀飯🤪❤️即叫即炸，又脆又大又多汁 性價比極高，難怪近年變左紅磡名物~🤣喜歡食炸脾嘅各位，不妨去哩間舊式快餐店試試 ，一定不會後悔。茄汁 生炸雞髀飯＄49(仲有咖喱蒜蓉黑椒芝士蘑菇汁揀~）個人最喜歡茄汁，媽媽同男朋友都話咖喱係最好食的🤣🤣所以呢啲真係好個人口味而已～餐廳環境係懷舊港式快餐店👍🏻有另一種嘅風味👍🏻📌 紅磡馬頭圍道 37號紅磡廣場地庫 2-3號營業時間 : 星期一至六 7am-6pm（星期日休息）

開始有朋友知道我在紅磡要做幾日野，紛紛地 send 給我一些午餐好介紹。其中一個我感興趣的，便是位於紅磡廣場地庫層的《寶城美食店》。朋友同網上都極力推介炸雞骴。於是，其中一天的中午，專登走入紅磡廣場地庫，誓要食返個炸雞骴飯。朋友推介這兒的炸雞骴，又有一說這是香港數一數二的炸雞骴，門口也有對其炸雞骴的剪報貼了在牆上。在排隊俾錢時 (這兒是先付款的)，早已經想好了要一份炸雞骴飯。可能是忙，也許真的是生炸，我等了差不多10分鍾才能品味到這炸雞骴飯。之後，出現在我面前的午餐，未吃入口已經可以令我很開心。許多人一見到螢光的茄汁，就立即說這是劣食中的劣食。但，我既諗法又唔同。也許，本身是在那一個時代長大，螢光茄汁加了少少美極醬油的香味，配上肉食，配上白飯，可以說是,一個經典我香港好味道。說雞扒，絕對是新鮮生炸的，皮脆肉香，咬開之後更是嫩滑多汁，再加上雞骴是醃過的，內外都充滿了味道。再者，螢光茄汁伴飯吃，味道可是美妙。食晒成碟飯，感到非常之滿足。在這一類型的快餐店食飯，一杯可樂是最開心的。冰凍的，甜甜的，配合一個多汁的港式飯，絕對是開心滿足。很好味的雞骴，很滿足同充滿懷舊感的一餐，味道美妙，令我感到

試個雞髀飯，以為真係好好食。都係一般啫⋯未試過以為真係甘好食。野食就麻麻啦，但啲伙記態度差到ok囉，唔休做唔好做啦。淨係賣雞髀咪算囉。餐牌有既野去到又冇既，12:00食都話賣晒，嘔血

除咗炸脾之外乜野都話無嘅茶餐廳， 落單伙記+ 門口收銀態度奇差， 我估佢地應該同老板有仇。 其他菜式平平無奇， 每日餐單好似睇廚師心情咁， 想煮先有。 唔通茶記都有廚師發板？