Video
Read full review
2023-12-21
96 views
一坐底就見到一碟碟肉圍住個烤爐等緊我地，成間餐廳充滿住烤肉香氣同keep 住播K-pop，未食先興奮。 我終於明點解呢度會座無虛席啦！呢度都有唔少靚肉選擇，澳洲穀飼黑安格斯牛、澳洲草飼黑安格斯牛、美國安格斯牛、薄切牛脷、豬頸肉等等全部都令我食指大動。食得韓燒，一定要狂食生菜包蒜蓉片包薄切豬腩肉，再點一款鍾意嘅醬汁，諗起都想食多次！海鮮方面最正既係鰻魚、海虎蝦、帆立貝、扇貝， 估唔到呢度嘅海鮮一啲都唔馬虎，鮮甜彈牙，encore 左好幾次😍 除咗肉同海鮮，當然唔少得刺身同韓式小食喇。食到飽飽哋，千祈唔好唔記得要燒返個新鮮菠蘿，香甜多汁，可以解解膩。仲未講完架，另一個超正嘅位係啤酒任飲🍺！藍妹生啤、韓國黑啤等等任君選擇！烤肉送酒完全係韓國文化。唔飲酒既都有麥茶、汽水、檸檬茶提供。驚喜位留番係甜品區。waffle 機、爆谷機，雪糕機齊樣樣曬，我既私心食法就係加爆谷、曲奇碎、朱古力醬落雪糕度，開心加加倍！題外話，呢度係用QR code 落單 ，跟著我地發現原來撳個掣就可以更換烤盤，好細心喱！
一坐底就見到一碟碟肉圍住個烤爐等緊我地，成間餐廳充滿住烤肉香氣同keep 住播K-pop，未食先興奮。 我終於明點解呢度會座無虛席啦！
呢度都有唔少靚肉選擇，澳洲穀飼黑安格斯牛、澳洲草飼黑安格斯牛、美國安格斯牛、薄切牛脷、豬頸肉等等
全部都令我食指大動。食得韓燒，一定要狂食生菜包蒜蓉片包薄切豬腩肉，再點一款鍾意嘅醬汁，諗起都想食多次！
海鮮方面最正既係鰻魚、海虎蝦、帆立貝、扇貝， 估唔到呢度嘅海鮮一啲都唔馬虎，鮮甜彈牙，encore 左好幾次😍
除咗肉同海鮮，當然唔少得刺身同韓式小食喇。
食到飽飽哋，千祈唔好唔記得要燒返個新鮮菠蘿，香甜多汁，可以解解膩。
仲未講完架，另一個超正嘅位係啤酒任飲🍺！藍妹生啤、韓國黑啤等等任君選擇！烤肉送酒完全係韓國文化。唔飲酒既都有麥茶、汽水、檸檬茶提供。
驚喜位留番係甜品區。waffle 機、爆谷機，雪糕機齊樣樣曬，我既私心食法就係加爆谷、曲奇碎、朱古力醬落雪糕度，開心加加倍！
題外話，呢度係用QR code 落單 ，跟著我地發現原來撳個掣就可以更換烤盤，好細心喱！
Post
