法式幼滑薯蓉| 松葉蟹肉 | 雞油花鵰
薯蓉打得細緻幼滑,薯香中帶住一陣香濃既牛油香.海量蟹肉十分鮮甜又帶住一陣鹹香,再加上少少雞油及花雕油令蟹肉自身鮮味更突出同香滑.
嬌嫩美國雞胸 | 麻婆風辣冷豆腐 | 香醋鼠耳
慢煮雞胸入口好嫩腍,完全唔會覺得食緊既係雞胸肉.肉嫩得黎又唔會肔膩,健康又唔會有負擔.香滑冷豆腐上加上涼拌爽脆木耳及肉鬆,三者配搭perfect match!少少醋香醋上麻辣醬汁,集齊麻香辣及少少肉鬆甜味相當惹味.
咖啡貝殼蛋糕| 山核桃 | 海鹽焦糖
貝殼形既咖啡蛋糕上鋪上核桃,而內裏加上海鹽焦糖fillings.蛋糕唔會過乾,而且充滿咖啡香.內裏既海鹽焦糖醬唔會過甜帶濃厚焦香甜味,配上咖啡一甜一甘既味道為味蕾帶黎滿足感.
Espresso tonic
有nutty/fruity既咖啡豆可以選擇,今次就揀左較nutty既咖啡豆.堅果香較重既咖啡襯搭tonic water令nutty味更突出而且清爽.
Hand drip
送上枱既Hand drip配上2種唔同形狀既杯,而呢2隻杯都會為Hand drip帶黎唔同既風味.較為圓身既杯飲落莓果酸香會比較突出而餘韻就會帶一陣酒香.而尖身少少既杯入口咖啡甘味較出而後帶櫻桃味.
1
