響 - Hibiki 日本燒肉 (Closed)

呀媽50大壽，緊係要帶佢食餐好嘅，平時死慳死抵，今日燒肉放題($458)一於食番夠本。刺身拼盤海膽和生蠔質量都高鮮甜，鮮甜多汁唔會腥。另外三文魚好肥美、甜蝦、帶子同樣清甜另外油甘魚和八爪魚肉質厚實，食落有彈性有口感。燒肉拼盤美國牛及澳洲和牛西冷、胸腹及肉眼、和牛入口即溶，牛嘅脂肪紋理好清𥇦，牛肉味好香，由於牛肉本身未有調味，所以燒熟之後，不妨自行調味一下。鐘意食牛嘅我，直情食完一rd又一rd 。飲品茶，各式汽水任飲，最吸引到我嘅係梅酒同柚子酒都係任飲，酸酸甜甜食肉佐酒，簡直一流呀。比較特別嘅係紅酒白酒啤酒都有得任飲。雪糕/雪條有Dreyer's雪條同Movenpick雪糕任食，Dreyer's 嘅芝士味雪條真係好香，外皮脆卜卜，內裏好香芝士味。