成都老碼頭火鍋 (Closed)

尋日去左旺角一間好有特色嘅火鍋店食晚餐：成都老碼頭。一入店內，成個感覺好有中國風味，裝飾用品等都有種真係去左成都打邊爐嘅感覺。首先我地選左一個鴛鴦鍋，一個係豬骨，另一個就係紅油。豬骨湯底非常濃郁，紅油就夠晒辣，我地點左中辣啱啱好！之後我哋仲叫咗佢嘅牛頸脊，應該係成差我嘅最愛，牛嘅脂肪同埋瘦肉分布均勻，入口軟綿綿咁好好食，之後上到嚟就係佢嘅炸響鈴，我本身都冇咩期望嘅，但係估唔到佢啲炸響鈴係即炸，簡直係我成世人食過最好食既響鈴卷，係湯底入面輕輕一浸，就即刻攞上嚟食，外軟內脆嘅感覺真係令人興奮！佢嘅玫瑰花冰粉先係經典之中嘅經典，食辣野點可以唔點翻個冰粉降下火，佢入面有山楂同埋西瓜粒，好清甜好冰涼，簡直就係夏天嘅感覺！ 整體來講呢間餐廳服務又好，嘢食又高質素！絕對係會再去嘅選擇！