Video
Read full review
2009-05-16
27 views
今晚老闆請我食飯...因為剛幫佢完成一個Project既data collection所以佢一早應承左請我食餐好既結果就黎左呢度啦一黎到有一種好懷念同熟悉既感覺因為數年前我地一家人都黎過呢度食飯不過這些畫面只能於回憶裏出現了.......回到現實中...想了很久終於決定了吃什麼了不過講真...我今晚真係食左好多好多野老闆非常客氣.... 隨便我叫咩就叫咩連我無話要叫既佢都叫埋俾我不過無影相真係唔好意思...因為我實在不好意思拎部相機出黎左影右影好似同個場合唔係好配合講下食左咩先:麵包"哈哈....一黎到已經有籃麵包等緊我我最喜歡食包既當然唔客氣啦個麵包配佢個吞拿魚醬真係好正! 個吞拿魚醬好香...同個麵包非常夾Appitizer combination"佢呢個係一個頭盤有哂 3 樣野包括日式剌身沙律、煎帶子和香煎鵝肝刺身係三文魚同吞拿魚...超厚..絕不吝嗇，非常新鮮，配返沙律...實在非常好帶子都幾新鮮...同埋有d牛油香味...唔會un...幾好鵝肝就又係好香...佢煎到個面脆脆地，一咬落去有種濃郁香味的感覺，入面好嫩滑，直頭係正呀!煎鵝肝"老闆見我鍾意食〝竟然二話不說再叫多個煎鵝
所以佢一早應承左請我食餐好既
結果就黎左呢度啦
一黎到有一種好懷念同熟悉既感覺
因為數年前我地一家人都黎過呢度食飯
不過這些畫面只能於回憶裏出現了.......
回到現實中...想了很久終於決定了吃什麼了
不過講真...我今晚真係食左好多好多野
老闆非常客氣.... 隨便我叫咩就叫咩
連我無話要叫既佢都叫埋俾我
不過無影相真係唔好意思...因為我實在不好意思拎部相機出黎左影右影
好似同個場合唔係好配合
講下食左咩先:
麵包"
哈哈....一黎到已經有籃麵包等緊我
我最喜歡食包既當然唔客氣啦
個麵包配佢個吞拿魚醬真係好正! 個吞拿魚醬好香...同個麵包非常夾
Appitizer combination"
佢呢個係一個頭盤有哂 3 樣野
包括日式剌身沙律、煎帶子和香煎鵝肝
刺身係三文魚同吞拿魚...超厚..絕不吝嗇，非常新鮮，配返沙律...實在非常好
帶子都幾新鮮...同埋有d牛油香味...唔會un...幾好
鵝肝就又係好香...佢煎到個面脆脆地，一咬落去有種濃郁香味的感覺，入面好嫩滑，直頭係正呀!
煎鵝肝"
老闆見我鍾意食〝竟然二話不說再叫多個煎鵝肝俾我食
我連阻止都來不及!
我唔係唔想食，只係諗我既膽固醇今晚又超標啦!!!
同上面一樣，當然係好正啦
佢仲有D蘋果蓉伴碟，清新配合濃郁的感覺，很好!
不過真係幾油架! 但鍾意食無計啦~
Mushroom soup"
呢個又係好正，因為佢個湯好細膩而且幾"傑"下，唔會有好稀的感覺
味道勁濃，未必個個鍾意
大蝦拼牛柳"
呢個ok啦，唔算太差，但又稱唔上好好食。
我要 5 成熟，不過好似都係煎得un左d...... 唔太嫩滑
好彩佢用料靚...所以都仲ok...有d肉汁
蝦就都ok啦...不過我覺得煎得乾身左d，但食落去係幾鮮味的
之後佢有D 朱古力條做甜點....仲有杯mocha
係幾好食同飲，不過我嫌佢地都有少少過甜
之後真正dessert出場
首先係老闆極力推介既 Floating Island"
其實我唔識解釋係咩黎
個甜品出黎係有 5 個白色既球好似一個個島嶼咁
我諗呢個都係佢個名既原意
原來佢係一種法國甜品....
白色球體係用蛋白汁做成...佢有D硬左既焦糖係面再配雲尼拿汁
成個擺入口好正，口感好得意
因為個球體係入口即溶的，再加有少少硬既Caramel
所以感覺好特別.... 但真係幾好食! 仲有d berries伴碟
等個口味可以平衡D，唔駛過甜
蘋果撻"
我之後仲食埋個蘋果撻...連我都覺得自己太過份! 咁都食得哂!
我呢 2 日真係要節食啦
不過佢個蘋果撻又幾好食喎，唔係太大個
撻皮唔厚，唔會有好漏既感覺.... 蘋果肉當然係清新啦
佢配的應該係榛子汁...因為我食到KINDER朱古力既味道..哈哈
食完之後我真係已經 100% FULL啦，再食唔落野
多謝老闆請我食一餐咁豐富既 (所以我唔知幾多錢架......)
還把我帶回六年前的時光中，多謝妳!
人雖然不該留戀過去，但有些彌足珍貴的回憶是不能忘卻的.....謝謝。
Post