今日放假食好的，揀左銅鑼灣既胡爐一試，揀左冬瓜花膠雞翅鍋，湯滾開蓋後不禁嘩一聲，十分足料既湯底，忍唔住先試一試雞湯，濃郁鮮甜，飲左兩碗先正式開始放食物，我地叫左飛彈和牛A5,黑松露墨魚丸，蟹籽蝦丸，響鈴，蔬菜拼盤，可惜我一時不慎將整整盤牛倒瀉，好肉赤🤦♀️🤦♀️惟有好好品嚐其他食物，湯底裡面既冬瓜，雞肉都十分鮮味，花膠有咬口，唔係細細塊嗰款，湯底入面真係有魚翅，無欺場👍，兩款丸都感覺新鮮彈牙，響鈴鬆脆，食物質素都好好;至於服務方面，侍應都好主動加湯加水，收起用完既碗碟，我諗唯一可以更好既地方係，二人用餐位置可以闊少少，出入可以方便的😆
