喺下午茶前15分鐘入席，幸好趕到入黎食中午。
鮮蝦金針菇白汁寬麵
意粉口感彈牙，有驚喜！醬汁配合得很好，好味且不膩
雜菌炒金邊粉
食前撈碟旁既辣椒粉同花生碎
唔食得辣既朋友記得唔好撈咁多辣椒粉，真係會辣到噴火！整體上食左去除左辣辣地仲會食到甜甜地同酸酸地，味道層次十足！
黎呢度當然唔小得叫呢個招牌單骨雞翼啦~
食落去偏乾身，唔油，但係味道普通，並沒有非食不可的必要呀。
飲品方面叫左泰式檸茶同奶茶
檸茶係用青檸而冰係用茶冰，所以放耐左都茶味香濃，個人十分喜歡呢杯檸茶
！消暑，解渴，又多特別！
奶茶係用煉奶沖，口感厚身，味道令人飲到唔想停！
原來呢間野飲都做得咁出色。原本想食cake ,但食完野已太飽，食唔落，唯有下次空肚食。
