古琴雅苑 (QRE Plaza)

Open Now

Now Closed

疫情數字有所回落，真係好鼓舞，朋友話咁耐無見，就約我去近期好紅嘅店～❤️古琴雅苑❤️餐廳裝修雅緻，走中國風，最欣賞佢個開放式廚房，望落夠晒乾淨，食得放心！，全店以木制做主色，簡潔而有風格❤️佢係一間主打北京烤鴨嘅淮揚菜餐廳！冇得去旅行，食下其他嘅菜式都唔錯😊一定要試主打菜❤️烤北京填鴨❤️～鴨肉非常嫩滑，皮夠香脆，入口泌汁 ！師傅仲會出黎，喺客人面前即叫即片，確保夠晒新鮮！伴碟嘅醬料，配上大葱、酸梅醬、砂糖、烤鴨醬，仲有哈密瓜、青瓜中和油膩感，配合得天衣無縫👍蟹粉扒豆苗～又到十月份，秋天食蟹嘅季節了，呢個時間嘅蟹粉特別好食，食到滿滿嘅蟹肉蟹膏，同清新嘅豆苗好夾！花雕醉雞、揚州水晶肉～呢兩款都係我夏日必叫嘅頭盤，前者充滿酒香、肉質嫩滑，後者晶凝通透，加上醋汁 ，冰涼透心 ！甜品❤️高力豆沙❤️～上面舖著雪一樣嘅糖粉，外皮香脆內裏軟糯，香蕉豆沙永遠都係最好配搭，唔會太甜，最合我心意！咁有特色嘅餐廳，下次一定要帶爸爸媽媽再黎🥰