嵐橋丼飯專門店 (Closed)

繼續要翻工既日子。。。今日收工約左朋友係k11附近，棉登徑食日本野～呢條街真係勁多餐廳，特別係日本野，超多唔同選擇！而呢間專食丼飯同串燒既小店，全部採用木質既枱櫈，佈置好有居酒屋既feel！季節限定 - 針魚丼針魚滑身，肉質彈牙。三文魚比左腩位，入口有濃濃既油香，口感方面唔係脆身個種，而係比較嫩滑。油甘魚同甜蝦正常發揮。帆立貝新鮮唔腥。極上海之幸丼拖羅甘香，魚味香濃，魚類刺身入面我既最愛。鮑磯煮入味，又爽口彈牙～牡丹蝦新鮮，肉質唔會梅，仲勁大隻～蟹鉗既肉好飽滿，超鮮甜。其他魚刺身正常發揮～三文魚子係比較大粒個種，咬落去仲係脆身，有爆漿既感覺。海膽唔夠濃味，但算鮮甜。呢到既飯底都係落左赤醋，上面有芝麻同紫菜，相對比白飯底香口。套餐亦會有麵豉湯同沙律菜送上，加28蚊可轉立魚豆腐湯。個魚湯超建議一試！感覺好足料，魚味香濃，亦有唔少料係入面。串燒牛舌超正！！厚切！！彈牙！！牛味濃！！多春魚燒得勁香，而且做到脆身又唔燶，基本上可以成條連頭，尾同骨食。