Video
Read full review
2019-10-15
155 views
Oldish位於上環東街嘅斜路上，唔細心留意，未必發現呢間舊式嘅懐舊café。紅磚建成嘅牆身，微黃嘅色調，店內嘅一椅一凳、一碟一叉，都有濃厚嘅復古格調，感覺餐廳嘅座上客都係有品味嘅人。 照舊點左我最鐘意嘅Oldish All Day Breakfast，包括炒滑蛋、兩條煎香腸、兩塊煙肉、煙三文魚、大啡菇、茄汁豆、烤蕃茄，薯餅同牛角包，連薯餅都有兩塊，真係好豐富。成個早餐唔會太油膩，滿滿嘅牛油香真係好吸引我。Avocado Toast嘅牛酒果係原個切片放上去，好fresh好健康，下面嘅麵包都好香脆。晚餐點都要點返個主食：Seafood Risotto有濃郁嘅蕃茄味，海鮮都算多，加上馬蘇里芝士，令人飽滿又有記憶點。Oldish Chicken Wings就酸酸辣辣，建議當頭盤食，非常開胃。 呢度嘅果汁都係新鮮榨出黎，Kiwi Juice健康又好飲。鐘意飲返2杯嘅朋友可以叫一支House Red – Red Merlot，一枝都係$320，澀中帶香，都易入口。係咁有feel嘅地方飲返2杯，完全覺得自己變左一個藝術家。最後叫返個招牌嘅Oldish Tiramisu，甜甜圈造形好特別，仲可以自己
照舊點左我最鐘意嘅Oldish All Day Breakfast，包括炒滑蛋、兩條煎香腸、兩塊煙肉、煙三文魚、大啡菇、茄汁豆、烤蕃茄，薯餅同牛角包，連薯餅都有兩塊，真係好豐富。成個早餐唔會太油膩，滿滿嘅牛油香真係好吸引我。
Avocado Toast嘅牛酒果係原個切片放上去，好fresh好健康，下面嘅麵包都好香脆。晚餐點都要點返個主食：Seafood Risotto有濃郁嘅蕃茄味，海鮮都算多，加上馬蘇里芝士，令人飽滿又有記憶點。Oldish Chicken Wings就酸酸辣辣，建議當頭盤食，非常開胃。
呢度嘅果汁都係新鮮榨出黎，Kiwi Juice健康又好飲。
鐘意飲返2杯嘅朋友可以叫一支House Red – Red Merlot，一枝都係$320，澀中帶香，都易入口。
係咁有feel嘅地方飲返2杯，完全覺得自己變左一個藝術家。最後叫返個招牌嘅Oldish Tiramisu，甜甜圈造形好特別，仲可以自己淋上espresso，食落去有少少木槺布丁，加上外面帶甘嘅可可粉，味覺完勝。
Post
