成都老碼頭火鍋 (Closed)

今日女朋友漏低男朋友，同同事們去左食旺角嘅成都老碼頭火鍋。講起成都火鍋，我諗大家都一定會諗起好多四川辣椒，同埋超辣嘅紅油。而啲間香港分店不特止有辣椒湯底之外，佢地所採用嘅食材大部分都係從內地運來架，直情可以食得返四川成都嘅風味。-今次我就試食左鴛鴦湯底，一邊係成都麻辣湯底，一邊係花膠雞。（鴛鴦湯底$158其實算係偏貴，我覺得多幾個人一齊打邊爐會抵啲，不過過江龍黎到香港係啲個價錢架喇~）推介食物：日本A4牛頸脊（$198/半份）超薄和牛入口即溶，啲肥膏好似雪花咁樣分布得好靚。耗兒魚 ($46/半份；$86/全份)師傅話耗兒魚個頭太樣衰所以要切左佢，不過估唔到佢樣樣衰衰但係又幾鮮味，好食！炸雞皮平時我哋打邊爐食炸魚皮就食得多，但係炸雞皮真係第一次。雞皮炸到勁鬆化，點小小麻辣湯已經超級超級好食😋😋😋😋