The Lounge

又去high tea，個多月來第三次，早前去過洲際及半島，今次去試四季酒店，其實high tea食來食去都係果三層架，無乜好寫，不如今次來個high tea大比拼。

四季(The Lounge)：
地方：不設訂位，下午茶3:00 開始，最好2:45去到，都可以入去坐住先；地方不太大所以檯不多，亦不會太嘈吵，裝修靚但我覺得格調比較有傾生意feel。
食物：款式最特別(見上圖)，不論咸、甜點每一款都好精美，有不捨得把它吃掉的感覺，而且都很好味，只是scone不夠鬆軟；但吃到中段時，侍應會捧著一大盤甜點讓你隨意加添，令嗜甜的我感到十分滿足。

半島(The Lobby)：
地方：不設訂位，2:00後可入座，如過3:00多數要排隊候位，裝修有宮廷feel，地方夠大樓底夠高，夠氣派，隨時都會撞到明星(是次分別碰見林青霞及董敏莉)。
食物：最正就是scone, 微暖而鬆軟，其他酒店無得比(文華除外)，但其他茶點側比較普通，沒有太大驚喜。

洲際(Habourside)：
地方：可預先訂位，但其實下層一定唔full，walk in都實有位(是日星期六只客滿三成)，隔住玻璃可望出海濱長廊，這裡就是吃自助餐的地方，特色裝修欠奉。地面lobby，有live band 演奏，但會比較多人及嘈一點。
食物：最唔掂呢間，食物普通得不得了，buffet時擺出來的甜品還好一點，完全不值這個價錢。其實這裡我已來過一次，上次的評語都不甚好，今次是我的朋友想來試試，但我發覺這次都沒有進步，所以下次都應該不會再來這裡下午茶了。

總結：價錢每間都差不多，約$380二位；若要我再揀一間再來一次，我想我會選擇四季，地方及食物都令我十分滿意。