嚼江南 (Closed)

拆禮物日到沙田閒逛，選定嚼江南為午膳地點。未知是否在嬰兒兒童服飾層，在店內有很多BB及BB車，場面幾有趣。一行四人點了一客午市自選套餐，美食如下：酸辣湯：酸辣度皆不夠突出，湯底質感略稠。青紅蘿蔔豬肉湯：無味，唔OK！生煎窩貼：皮厚，普通。脆脆蝦仁炒蛋：蝦仁如何脆脆？唔係好覺。炒蛋略為過老，唔夠多汁滑溜，整體水準一般。茄子炆魚塊：茄子炆得幾香幾入味，又唔算太油膩，OK喎。魚塊用上龍脷柳，合符預期，但當然用上青衣柳甚至真斑塊會更好喇！鹽酥骨：排骨質感乾身了一點，亦因切得細件及薄，感覺上無乜肉食。雷沙湯丸：湯丸皮硬了一點，不夠煙韌。