Video
Read full review
2020-09-27
291 views
限聚令終於放寬，前陣子約好嘅飯局終於可以再開局，今日就嚟咗飯聚分子一直推介咗好耐嘅蟹仙食個海鮮餐。呢度有唔同嘅套餐俾食客揀，高中檔次都有，我哋就取其中庸之道，揀咗呢個每位$399嘅尊貴海鮮套餐。為咗令食客食得安心又放心，店員會首先用蒸籠高溫消毒一下所有食具。係準備開餐之前，店員會將粥底嘅材料放喺蒸盤下面，見到粥底有排骨、粟米、芋頭，仲有幾片薑，真係好期待最後出場嘅海鮮粥呀！首先出場嘅係其中六款海鮮嘅拼盤，包括台灣九孔鮑魚、越南大虎蝦、深海龍躉片、紐西蘭刀背蚌、日本大元貝、韓國慶南蠔。店員會全程為人客蒸海鮮，所以食客唔使操心，亦唔使擔心唔識控制蒸煮時間。每款海鮮嘅蒸煮時間都有唔同，一般而言都係2至5分鐘左右就可以食。依度嘅海鮮全部都好新鮮，質素亦算係中上類別。當中以日本大元貝尤其出色，平時旁邊白色嘅部位我興趣係一般的，但呢個大元貝嘅白色部份係好似蟹膏咁好食！賴尿蝦就喺廚房預先蒸好，然後店員會為我地先去掉蝦殼同埋切開兩份，呢隻賴尿蝦簡直有我隻前臂咁長，肉厚而肥美。澳洲青年龍蝦開邊蒸，蝦頭部份的蝦膏食落甘香，龍蝦肉彈牙。全晚嘅主角越南頂角膏蟹嘅膏甘香得好似鹹蛋黃般，蟹膏豐厚之餘亦有鮮甜的蟹肉
呢度有唔同嘅套餐俾食客揀，高中檔次都有，我哋就取其中庸之道，揀咗呢個每位$399嘅尊貴海鮮套餐。
為咗令食客食得安心又放心，店員會首先用蒸籠高溫消毒一下所有食具。
係準備開餐之前，店員會將粥底嘅材料放喺蒸盤下面，見到粥底有排骨、粟米、芋頭，仲有幾片薑，真係好期待最後出場嘅海鮮粥呀！
首先出場嘅係其中六款海鮮嘅拼盤，包括台灣九孔鮑魚、越南大虎蝦、深海龍躉片、紐西蘭刀背蚌、日本大元貝、韓國慶南蠔。
店員會全程為人客蒸海鮮，所以食客唔使操心，亦唔使擔心唔識控制蒸煮時間。每款海鮮嘅蒸煮時間都有唔同，一般而言都係2至5分鐘左右就可以食。依度嘅海鮮全部都好新鮮，質素亦算係中上類別。當中以日本大元貝尤其出色，平時旁邊白色嘅部位我興趣係一般的，但呢個大元貝嘅白色部份係好似蟹膏咁好食！
賴尿蝦就喺廚房預先蒸好，然後店員會為我地先去掉蝦殼同埋切開兩份，呢隻賴尿蝦簡直有我隻前臂咁長，肉厚而肥美。
澳洲青年龍蝦開邊蒸，蝦頭部份的蝦膏食落甘香，龍蝦肉彈牙。
全晚嘅主角越南頂角膏蟹嘅膏甘香得好似鹹蛋黃般，蟹膏豐厚之餘亦有鮮甜的蟹肉，值得花時間慢慢拆肉品嘗。
最後係蒸蔬菜籃，包括有生菜、津白和粟米，原來原汁原味嘅蔬菜都可以咁好味。
之前食咗咁多海鮮，其實所有嘅精華就已經落咗落呢個粥底入面，只要稍為再烹煮一下，加少許菜譜，就已經成為一碗非常鮮味嘅靚粥，因為太好味，我一口氣食咗三碗！
呢個套餐仲會包一碗甜品，就係椰汁燉雪燕，非常清潤，簡直係一個完美嘅結局！
Post
