井巷子 by 鋒膳 (Closed)

呢晚放工後過咗隔離上環，品嚐一間靚川菜，作為米芝蓮推介，叫 「井巷子 by 鋒膳 」。難得約到嘅飯局但竟然唔記得帶相機😫 ➽ 鴛鴦蒜泥白肉 - 作為頭盤有青瓜幾清新，微酸開胃，而鴛鴦蒜泥都幾濃味，應該係想平衡下。➽ 西班牙向日葵甘栗叉燒 - 嫩得嚟又唔會肥，西班牙黑毛豬食向日葵子同甘栗大，燒好嘅叉燒配搭果香蜜汁令到肉味更突出。➽ 井巷子片皮鴨 - 作為招牌菜，餅皮放上薄而脆鴨皮、配埋黃金奇異果 / 哈蜜瓜 / 大蒽、唔少得填鴨醬，清新而且食落化解油膩又不失油脂香，幾滋味👌➽ 油牛肝菌乾扁四季豆 - 四季豆乾身香口，油牛肝菌功勞不可少，惹味。➽ 廿五年黑醋蟹肉酸辣湯 - 酸辣湯有花膠、冬菇，木耳，甘荀，當然唔少得蟹肉，記得試下配上 25 年酸中帶甜嘅黑醋。➽ 成都青湯水煮魚 - 以雞湯做底加上辣油，配以英國海鱸魚做魚片，第一啖紥實之後咬多幾下有滑嫰口感，底層仲有幼身薯粉加秋葵。➽ 酸辣特製花膠撈飯 - 酸辣湯做底的花膠，配以白飯，花膠充滿彈性，撈唔撈勻食都可以。➽ 鮮雜果土紅糖冰粉 - 加入紅肉火龍果，花生碎粒令到冰粉口感更突出，消暑之選。➽ 時令水果 - 美國車里子同無花果，呢餐健康又