當我入到去我當時已經覺得伏伏地，間餐廳已經細，都完全聞唔到香味。不過我地依然按原定計劃點左3個餐2個小食。分別係海南雞飯、魚片喇沙、海南雞喇沙、豬頸肉同烤蔥餅，總共5樣。
1）先上海南雞飯，或者我應該叫白切雞飯先岩，街邊燒味鋪貨色，而且冇油飯，普通到冇得再普通
2）烤蔥餅，所謂既烤餅其實係手抓餅餅皮，淘寶有得買，我食過，100%一樣，來貨一塊幾毫子賣你12蚊
3）豬頸肉，正常烤豬頸肉既味，但依然有野要彈。豬頸肉個汁特別甜，而且刀工非常差，求其切，但味道都叫入得口，正常
4）兩碗喇沙，只能用垃圾黎形容。完全冇喇沙味，唔辣亦冇椰香，合味道杯麵喇沙味完勝佢個湯底。再講配料，魚蛋魚片豆卜係街市cheap cheap打邊爐貨色，我老母街市買過。隻蛋唔係糖心蛋，與圖片不符。配埋油麵溝粉絲，同間野個名相映成趣，鬼咁馬六不知所謂。
5）餐飲都係差，拉茶垃圾，美綠冇奶是cheap餐廳常識吧
成餐飯我覺得好似比人當左傻仔咁，拎d現成cheap食材比你食，烤餅、魚蛋魚片豆卜、豬頸肉樣樣都係來貨就係現成材料，整熟撈埋一碟就收你錢，極度冇誠意。我可以容忍你d野難食，但咁冇誠意當食客傻仔真係忍唔到。西灣河呢個價錢唔係平，但我比劣評同價錢無關，我平時返工食個lunch都成百蚊。以上只係食物評語，已經冇計間鋪d人做野蠢服務差等好耐，真係鬼咁馬六，既然無誠意做飲食我諗你間餐廳都無必要存在
