Video
Read full review
2021-11-22
1269 views
餐廳：海南少爺 (尖沙咀)地址：尖沙咀廣東道3-27號海港城海運大廈地下G16號舖好一段時間無食星馬菜，忽然好想食海南雞🐓，經過尖沙咀海港城經過呢間海南少爺就入咗去食個lunch🥢餐廳有唔少特色菜，其中佢哋嘅海中蝦、肉骨茶、肉鬆煉奶、滷水拼盤、炒蘿蔔糕、海南雞等都係比較聞名同多人叫嚟食嘅🤩✝️招牌海南雞半隻 $188採用百日三黃雞，先用雞湯低溫慢煮再過冰水，將肉質保持喺最嫩滑嘅程度，鮮味十足🐔，蘸埋分別以「酸」、「辣」、「甜」為突出嘅三色醬，將海南雞帶到另一個層次😌；雞油飯喺用東北米加入自家製雞飯醬、雞湯、香茅同班蘭葉等去調味，食落有陣陣雞油香🍚；雞湯用咗雞殼、豬骨、雜菜、胡椒粒熬煮而成✝️星洲醬油參巴炒蘿蔔糕 $72呢碟蘿蔔糕有成十幾廿舊，用星洲醬油同參巴醬去炒，充滿東南亞以至南亞地區嘅特色，仲有得揀辣同唔辣🌶，一啖一舊非常惹味😋，鹹香十足👍✝️肉鬆煉奶夾酥餅 $62估唔到咁簡單嘅肉鬆同煉奶可以整出咁好食嘅夾心餅，咬落鬆脆帶少少煙韌嘅酥餅🫓，入面嘅肉鬆同煉奶帶嚟甜香，只係個人覺得如果酥餅再香脆啲就perfect😎✝️上湯浸菜心 $68呢個菜相對就較為失色🥺，上湯無咩味，飲咗一啖有少少死鹹🤏，
地址：尖沙咀廣東道3-27號海港城海運大廈地下G16號舖
好一段時間無食星馬菜，忽然好想食海南雞🐓，經過尖沙咀海港城經過呢間海南少爺就入咗去食個lunch🥢
餐廳有唔少特色菜，其中佢哋嘅海中蝦、肉骨茶、肉鬆煉奶、滷水拼盤、炒蘿蔔糕、海南雞等都係比較聞名同多人叫嚟食嘅🤩
✝️招牌海南雞半隻 $188
採用百日三黃雞，先用雞湯低溫慢煮再過冰水，將肉質保持喺最嫩滑嘅程度，
鮮味十足🐔，蘸埋分別以「酸」、「辣」、「甜」為突出嘅三色醬，將海南雞帶到另一個層次😌；雞油飯喺用東北米加入自家製雞飯醬、雞湯、香茅同班蘭葉等去調味，食落有陣陣雞油香🍚；雞湯用咗雞殼、豬骨、雜菜、胡椒粒熬煮而成
✝️星洲醬油參巴炒蘿蔔糕 $72
呢碟蘿蔔糕有成十幾廿舊，用星洲醬油同參巴醬去炒，充滿東南亞以至南亞地區嘅特色，仲有得揀辣同唔辣🌶，
一啖一舊非常惹味😋，鹹香十足👍
✝️肉鬆煉奶夾酥餅 $62
估唔到咁簡單嘅肉鬆同煉奶可以整出咁好食嘅夾心餅，
咬落鬆脆帶少少煙韌嘅酥餅🫓，入面嘅肉鬆同煉奶帶嚟甜香，只係個人覺得如果酥餅再香脆啲就perfect😎
✝️上湯浸菜心 $68
呢個菜相對就較為失色🥺，上湯無咩味，飲咗一啖有少少死鹹🤏，不過就啱晒鍾意食淡味啲嘅人🤓，菜心份量都幾足，喺有啲大棵同硬身🙈
✝️椰汁紅豆冰 $28
紅豆冰椰香味幾重🥥，以碎冰形式上，每一啖飲落都真喺有紅豆同冰🧊，唯獨紅豆份量唔算多，佔杯嘅六份一左右
Post
