Video
Read full review
2021-02-19
2754 views
餐廳：喰楽 (觀塘)地址：觀塘開源道60-62號駱駝漆大廈3期9樓H號舖跳舞前去咗觀塘嘅駱駝漆大廈食飯，今次去咗呢間開咗無幾耐嘅日本餐廳——「喰楽」，餐廳名意指希望客人進餐嘅時候可以得到滿足、快樂🥰一入到餐廳就好有日式味道🎎，雖然餐廳唔大，得4張枱，但係每枱之間都有竹簾隔住，配合埋幾幅日本畫同植物🎋，成個感覺真係好似去咗日本咁🇯🇵日本A4和牛關東壽喜燒鍋定食 $168關東風壽喜燒嘅做法喺預先將菜煮到8成熟再上菜，縮短咗烹煮過程♨️，日式A4和牛用咗三個部位，每樣兩件，分別喺肩甲、肉眼同三角位，我尤其鍾意牛三角，入口即溶，脂肪比例雖然唔高，但和牛肉味依然濃郁🤤，亦唔會有筋或者咬唔開嘅感覺👍日本A4和牛日式燒肉定食 $168燒肉定食嘅和牛用咗牛肩甲部位，肉同脂肪嘅分佈清晰分明，脂肪嘅油脂分泌令牛肉更香口鮮味，另外仲加上京蔥，蘸埋醬油就更加惹味😚，不過我就鍾意就咁原汁原味喇每個定食都配白飯，另外仲有三款餐廳自己整嘅高級前菜同甜品，前菜分別有海蜇秋葵、北海道帶子配皇帝菜同埋玉子燒，甜品就喺海鹽味大阪牛乳雪糕🍨，果然與別不同小食叫咗個軟骨雞肉棒($18)同燒雞軟骨($18)，一客有兩串✌🏽，火候掌
地址：觀塘開源道60-62號駱駝漆大廈3期9樓H號舖
跳舞前去咗觀塘嘅駱駝漆大廈食飯，今次去咗呢間開咗無幾耐嘅日本餐廳——「喰楽」，餐廳名意指希望客人進餐嘅時候可以得到滿足、快樂🥰
一入到餐廳就好有日式味道🎎，雖然餐廳唔大，得4張枱，但係每枱之間都有竹簾隔住，
配合埋幾幅日本畫同植物🎋，成個感覺真係好似去咗日本咁🇯🇵
日本A4和牛關東壽喜燒鍋定食 $168
關東風壽喜燒嘅做法喺預先將菜煮到8成熟再上菜，縮短咗烹煮過程♨️，
日式A4和牛用咗三個部位，每樣兩件，分別喺肩甲、肉眼同三角位，我尤其鍾意牛三角，入口即溶，脂肪比例雖然唔高，但和牛肉味依然濃郁🤤，亦唔會有筋或者咬唔開嘅感覺👍
日本A4和牛日式燒肉定食 $168
燒肉定食嘅和牛用咗牛肩甲部位，肉同脂肪嘅分佈清晰分明，
脂肪嘅油脂分泌令牛肉更香口鮮味，另外仲加上京蔥，蘸埋醬油就更加惹味😚，不過我就鍾意就咁原汁原味喇
每個定食都配白飯，另外仲有三款餐廳自己整嘅高級前菜同甜品，前菜分別有海蜇秋葵、北海道帶子配皇帝菜同埋玉子燒，
甜品就喺海鹽味大阪牛乳雪糕🍨，果然與別不同
小食叫咗個軟骨雞肉棒($18)同
燒雞軟骨($18)，一客有兩串✌🏽，火候掌握得幾好🔥，燒得香口而唔膩。配埋餐廳嘅茶就一流，佢地用咗白桃烏龍，未飲都已經聞到好香濃桃味🍑
最值得一讚喺佢哋嘅服務態度，每款食物都會逐一介紹，例如和牛喺用咗牛嘅邊個部位、壽喜燒點樣食法等，掛住日本、鍾意食日本菜嘅人真係要Mark低呢間餐廳喇💯
Post
