192
3
2
3-min walk from Exit B2, Kwun Tong MTR Station
continue reading
Telephone
34279059
Introduction
A small Japanese-style restaurant is launched in an industrial building. They use bamboo curtains to separate seating and let you feel more quiet and comfortable. They mainly serve Kansai sukiyaki with Japanese, Australian and American beef.
continue reading
Additional Information
不收切餅費
Opening Hours
Today
12:00 - 14:30
18:00 - 22:00
Mon
Closed
Tue - Fri
12:00 - 14:30
18:00 - 22:00
Sat - Sun
12:00 - 15:00
18:00 - 22:00
Above information is for reference only. Please check details with the restaurant.
About Reward Scheme
今晚好開心同妹妹去食好野！佢同我去食壽喜燒我而家先知壽喜燒原來可以食得咁chill一入餐廳好簡潔嘅裝修有四張枱每張中間有竹簾分隔而當所有人客到齊後直頭店門都閂左勁有privacy！每張枱上都有一份menu同一個窩預備俾師傅為我地準備壽喜燒嘅原來師傅會喺我地食緊途中一路為我地燒肉🤭🤭我地揀左日本產A5和牛套餐先上左三式前菜先自家製和牛餃子以為係凍食原來係暖嘅自家製所以爆晒饀食得出有啲芫荽調味胡麻菠菜只取中段菜莖食落比較爽口汁煮牛腩個牛腩超級超級淋滑而且好香牛脂味滿咀豐腴我地食呢款係關西風嘅壽喜燒只會燒肉唔會有湯師傅一路燒一路同我地介紹每一款嘅產地、特色同口感都會同我地講解下每一款都好好食好淋好柔嫩炙熱過後嘅和牛超級juicy脂香肉香兼而有之真係忍唔住要大嗌好好味呀！！！！再配上日本蛋同食沾上蛋液嘅和牛更加滑不溜口而家諗起都好想再食呀🤤🤤🤤另外仲有小碗白飯有肉有飯好滿足呀～熊本上肩里脊肉試每款和牛之前師傅都會為我地燒一份蔬菜咁就唔係淨食肉咁悶啦～本來以為淨食肉未必夠點知原來食下食下係會飽㗎而且後續仲有一個濕炒飯師傅都好貼心咁問左我地夠唔夠飯我地仲驚太多每人試左半碗炒飯用壽喜燒汁煮成偏濕潤甜甜中間仲有紫菜碎同櫻花蝦好有口感好味道！最後仲有個清甜嘅荔枝雪糕奶味好重好creamy荔枝比較清甜襯返頭先嘅大魚大肉剛剛好我已經bookmark左下次慶祝節日一定要再黎喇！
continue reading
久不久都會有想食壽喜燒的念頭，但好吃又容易預訂的餐廳選擇不多。記得年前來過觀塘的喰樂，雖然餐廳環境比較簡約，但勝在性價比高，食物質素和服務都相當好，所以這次想食壽喜燒還是再一次選擇了喰樂～餐廳中午主要做關東壽喜燒，而晚上則改做關西壽喜燒。Menu上餐廳已經按不同肉類定好套餐，而我們就選了Meat Avenger，包括全產地和牛，可以一次過感受不同的口感和油脂度。【三式前菜 石燒和牛】師傅將和牛燒至半熟，和牛肉身軟腍，肉味較重。【三式前菜 和牛餃子】和牛餃子屬於自家制，正宗皮薄餡靚！餃子大大隻，份量十足！【三式前菜 柚子豆腐】凍豆腐加上柚子汁，非常清新開胃～【野菜拼盤】套餐先奉上野菜拼盤一份，全都是跟壽喜燒汁非常匹配的蔬菜，能完美地吸收醬汁的精華～職員會依次放入壽喜燒鍋烹調，食客完全不必費心。【Meat Avengers】壽喜燒的重點當然是和牛～這個拼盤包含了日本和牛及澳洲和牛，品嚐次序由淡到濃。職員幫忙烹調後建議第一口先試原味，之後可以按照自己喜好沾上日本無菌蛋的蛋汁，感受兩種不同風味。第一片日本和牛選用了三筋位，肉片中間有一條筋，而另外兩條已經被師傅預先切走，質地比較滑嫩。其次會嚐到牛肩胛心，肉質腍身。再有牛小排三塊，主要着重脂香，油香突出。最後澳洲牛肩則以肉味濃郁為主，所以這個壽喜燒套餐可以嘗到不同產地和部位和牛的特色和油脂感～【Kuuraku特色飯點】最後，職員會蓆前準備一份和牛蛋炒飯，份量可以按個人需要調節，相當貼心。【豆腐雪糕】套餐以豆腐雪糕為甜品作結～Menu上其實有不同套餐以供選擇，而$498 Meat Avenger已經是最貴的一款，可見價格相當相宜！雖然沒有華麗的裝潢，但整體感覺舒適，早二至四人用饍的好地方～但由於餐廳座位不多，還是建議先預約，否則walk in很大機會被拒呢～
continue reading
中意食和牛嘅唔該快啲save 底🥹‼️呢間超性價比好高既壽喜燒真係唔錯架 今次食嘅係晚市B餐 日本產A5和牛 $498/位套餐包左三款前菜、約120g 和牛、生雞蛋、白飯、炒飯、甜品 前菜自家製A5和牛餃子、洋蔥菠菜漬、炙燒A5和牛伴吞拿魚蓉飯團和牛選取熊本縣「和王」A5和牛✨下肩胛眼肉捲chuck eye roll油脂感同肉味比較平均 我個人幾中意呢款✨上肩里脊肉 zabuton 係稀有部位油花比較豐富 如果好意油脂感既食呢個就啱🤤牛肩胛骨後肉oyster blade 肉質柔軟嫩滑🥹肉質特別唔同肉眼 spencer roll有明顯的油花、但又有嚼勁 上肩胛肉shoulder blade肉質較結實 有嚼勁肩胛里肌（Chuck Tender）又名辣椒仔 因為形狀而名 係膊頭到腕嘅稀有位置 運動較多 肉質相對結實其實到時食個陣店員都會去詳細解釋返 食緊咩部位 食壽喜燒嘅同時又好似上左一堂咁😛中間隔住蔬菜嚟食 一嚟可以無咁膩、二嚟啲蔬菜都索左啲牛油香☺️其實去到最後已經好飽 但係炒飯掛滿蛋汁、香氣十足 都會想食埋佢😋😋 荔枝雪糕作甜品收尾 好香荔枝味 唔會太甜所以唔會覺得好膩
continue reading
呢排想食壽喜燒，又想係觀塘行下，就搵到呢間係駱駝漆大廈嘅壽喜燒試吓喇，標題寫成壽喜燒之CP值天花板，係因為呢度嘅壽喜燒，真係好平好抵食，一個壽喜燒和牛套餐，$200蚊都唔使，仲要係A5和牛！平時喺出面食，兩個人嘅話，賣單冇張金牛都唔得啊😆😆🐮壽喜燒鍋 $198 套餐有前菜蔬菜白飯同雞蛋，牛有100g，係A5和牛黎，壽喜燒湯底好好味，和牛口感好嫩唔韌，牛肉味好濃，油感冇平時食開嘅A5和牛咁重，所以食多啲都唔會覺得好膩，配上蛋汁好滑🐖北海道豚肉 $68 想試下豚肉所以另外追加左100g，豚肉唔會話好肥，瘦肉比較多但又唔會好鞋，好味！最後提提大家，舖頭入面只有5張枱，若果想食嘅朋友，記得一定要提前預約，Walk-in嘅話，好大機會會冇位嫁
continue reading
朋友嘅朋友介紹（之前佢話食個lunch好抵食）當其時想book話full左，因為成間餐廳得四台位置！坐落喺出晒名人多嘅駱駝漆工業大廈入面，其實我心諗就算放題都係至多三百幾蚊一位姐，又點會去到$400-$500 －個頭呀？咁貴喺觀塘食得唔得㗎？存在好多疑問，不過朋友好雀躍好想食咁就試吓啦，仲要係佢生日前夕（不過係佢埋單，因為佢放我飛機😜）點知又即日比佢book到喎, 我大概睇過個Menu都知道食啲乜，所以好快就決定咗每人要邊個set (其實之後諗返如果我哋叫一個set再加其他散叫嘅串燒得唔得呢？)點解我會咁諗？陣間你就知我哋叫咗兩個唔同部位嘅set，咁就可以試晒咁多樣嘢啦！先來頭盤有茶碗蒸、柚子豆腐同埋泡菜醃蘿蔔（個蒸蛋比我想像中大碗，頭盤都飽飽地）之後就有專人幫我哋喺旁邊製作壽喜燒，我識個專人服務有啲甩漏，燒燒下突然成個碗跌咗個爐度，又唔會好醒目咁幫我哋斟茶。基本上所有牛既部位同埋所有菜蔬都用同一個爐幫我哋燒，全部都係用嗰種燒汁，所以基本上全部嘢都係同一個味道，最大獲係最尾佢又話有個特色炒飯（其實之前已經每人有一碗白飯，心諗其實點食到咁多飯呢？）佢將啲飯加啲肉碎加啲蛋又用返同一個爐再加啲壽喜燒汁炒埋一齊，又係同一個味道，所以成餐飯其實食乜都冇乜分別！所以我之前所講，其實一個餐兩個人share已經夠晒皮，我寧願食其他串燒 （我哋都加咗一個燒雞泡魚乾）總共成千幾蚊，真係唔太抵食，原先一開始未食之前都諗住下次可以試吓佢個lunch，不過食完之後即時打消左呢個念頭😜最尾有一個雪糕球，算係中和返以上所食到嘅壽喜燒汁味。不過雪糕又唔似係日本貨同埋好困難先食到一啖，所以大家都放棄咗。
continue reading
You may be interested in